ডিজিটেল ডেস্কঃ অৱশেষত ফুটবলৰ পৰা বিদায় ল’লে ইটালীৰ কিংবদন্তি গ’লৰক্ষক জিয়ানলুইজি বুফনে। বুধবাৰে ছ’চিয়েল মিডিয়াত তেওঁ এই ঘোষণা কৰে।
১৯৯৭ চনত ইটালীৰ জাতীয় দলৰ হৈ বুফনে অভিষেক ঘটায়। তেওঁ দেশৰ জাৰ্চি পিন্ধি ১৭৬খন আন্তঃৰাষ্ট্ৰীয় খেল খেলিছে। তাৰ ভিতৰত ২০০৬ চনত ফ্ৰান্সৰ বিৰুদ্ধে বিশ্বকাপ জয়লাভত অন্যবদ্য ভূমিকা আছে বাফনৰ। ২০১২ চনৰ ইউৰোতো ৰানাৰ্ছ ইটালী দলৰ সদস্য আছিল।
ক্লাব ফুটবলত তেওঁ জুভেন্টাছৰ হৈ দহটা ছিৰি এ জিকিছিল। দুবাৰৰ চেম্পিয়নছ লীগৰ ৰানাৰ্ছ আপ। কপা ইটালিয়াই ৫ বাৰ জয়লাভ কৰে। পাৰ্মাৰ হৈ এবাৰ কপা ইটালিয়া, ইউএফএ কাপ জয়ী হৈছিল।
উল্লেখ্য যে ৪৫ বৰ্ষীয় গ’লকীপাৰজন কেৱল ইটালীৰে নহয়, ফুটবল বিশ্বৰ অন্যতম শ্ৰেষ্ঠ গ’লকীপাৰ হিচাপে গণ্য কৰা হয়। ফুটবল জগতৰ এটা যুগ এই বাফনৰ নামত আছে।
ছচিয়েল মিডিয়াত বুফনে লিখিছে- ''এইবাৰ মই থমকি ৰৈছো। আপোনালোকে মোক সকলো দিলে। মইও মোৰ শ্ৰেষ্ঠখিনি দিলোঁ। এতিয়া অৱসৰৰ সময় আহি পৰিছে।''
Continue Reading
