শক্তি মন্ত্ৰীৰ শক্তি প্ৰদৰ্শন! শিক্ষাৰ্থীৰ অসুবিধা নহ'বলৈ নিজ হাতেৰে পৰিষ্কাৰ কৰিলে শৌচালয়

ডিজিটেল ডেস্কঃ এগৰাকী মন্ত্ৰীয়ে এখন চৰকাৰী বিদ্যালয়ৰ শৌচাগাৰ পৰিষ্কাৰ কৰি সমাজলৈ পৰিষ্কাৰ-পৰিচ্ছন্নতাৰ বাৰ্তা প্ৰেৰণ কৰে। মন্ত্ৰীগৰাকীৰ এই কাৰ্যক সকলোৱে শলাগ লোৱা দেখা গৈছে। মধ্যপ্ৰদেশৰ শক্তি মন্ত্ৰী প্ৰধুমান সিং টোমৰে মধ্যপ্ৰদেশৰ গোৱালিয়ৰৰ এখন চৰকাৰী বিদ্যালয়ৰ শৌচালয় পৰিষ্কাৰ কৰি মানুহক বুজায় যে পৰিষ্কাৰ-পৰিচ্ছন্নতাইহে এখন সুস্থ সমাজ গঢ়িব পাৰে। মন্ত্ৰী প্ৰধুমান সিং টোমৰে কয় যে, বিদ্যালয়খন পৰিদৰ্শন কৰোতে "এগৰাকী ছাত্ৰীয়ে মোক কৈছিল যে বিদ্যালয়খনৰ শৌচালয়ত কোনো পৰিষ্কাৰ পৰিচ্ছন্নতা নাই, যাৰ বাবে ছাত্ৰ-ছাত্ৰীসকল যথেষ্ট সমস্যাৰ সন্মুখীন হয়।"

আৰু পঢ়কঃ জন্মদিনৰ উপহাৰ! ২ বছৰীয়া পুত্ৰক চন্দ্ৰৰ মাটি কিনি উপহাৰ দিলে পিতৃয়ে!

এই কথা শুনি শক্তিমন্ত্ৰীগৰাকীয়ে পোনপটীয়াকৈ শৌচাগাৰলৈ গৈ নিজৰ হাতেৰে শৌচাগাৰ পৰিষ্কাৰ কৰে। শক্তি মন্ত্ৰী প্ৰধুমান সিং টোমৰে গোটেই শৌচালয়টো খুব সুন্দৰকৈ পৰিষ্কাৰ কৰি তুলে। তেওঁ লগতে কয়, "মই ৩০ দিনৰ পৰিষ্কাৰ পৰিচ্ছন্নতাৰ প্ৰতিশ্ৰুতি লৈছো আৰু মই প্ৰতিদিনে কোনো প্ৰতিষ্ঠানলৈ যাম আৰু ইয়াক পৰিষ্কাৰ কৰিম, মই বিচাৰো যে পৰিষ্কাৰ পৰিচ্ছন্নতাৰ বাৰ্তা সকলো লোকৰ ওচৰলৈ যাওক, মই এনে কৰি আছো যাতে সকলোৱে পৰিষ্কাৰ পৰিচ্ছন্নতাৰ প্ৰতি অনুপ্ৰাণিত হয়।"

পৰিষ্কাৰ পৰিচ্ছন্নতা বজাই ৰাখিবলৈ লোকসকলক আহ্বান জনোৱাৰ উপৰিও তেওঁ পৌৰ নিগমৰ বিষয়াসকলক প্ৰতিদিনে বিদ্যালয়সমূহৰ শৌচালয় পৰিষ্কাৰ কৰি ৰাখিবলৈ নিৰ্দেশ দিয়ে। উল্লেখ্য যে শক্তি মন্ত্ৰী প্ৰধুমান সিঙক ইয়াৰ আগতে কেইবাবাৰো ৰাজহুৱা শৌচালয় পৰিষ্কাৰ কৰা আৰু ৰাস্তাত ঝাড়ু দিয়া দেখা গৈছিল।

আৰু পঢ়কঃ লুভীয়া দৰা! বিয়া মণ্ডপত কইনাঘৰৰ পৰা উৰাই-ঘূৰাই পিটন খালে দৰাই