ডিজিটেল ডেস্কঃ সদ্য মুক্তিপ্ৰাপ্ত আদিপুৰুষ ছবিখনৰ আৰম্ভণিৰে পৰাই বিতৰ্ক অব্যাহত হৈ আহিছে। ইয়াৰ পাছতো প্ৰথম তিনিদিনতে আৰ্থিকভাৱে ‘আদিপুৰুষ’-এ ভাল সফলতা লাভ কৰে। কিন্তু দিনবোৰ আগবাঢ়ি যোৱাৰ লগে লগে বিতৰ্ক বাঢ়ি আহিল। ইতিমধ্যে এই ছবিখনৰ বিৰুদ্ধে দেশৰ বিভিন্ন প্ৰান্তত আৰম্ভ হৈছে প্ৰতিবাদ। ‘আদিপুৰুষ’ৰ ওপৰত নিষেধাজ্ঞা আৰোপ কৰাৰ দাবীত খোদ প্ৰধানমন্ত্ৰীলৈ এখন পত্ৰ লিখা হৈছে।
কিন্তু দক্ষিণৰ তেলেগু ভাষী অঞ্চলত আৰম্ভণিৰে পৰাই এই ছবিখনক কেন্দ্ৰ কৰি যথেষ্ট উন্মাদনা দেখা গৈছে। অনুৰাগীসকলে গোট খাই ফূৰ্তি কৰা দেখা গৈছে, ছবিখনত ৰাম ৰূপে প্ৰভাসৰ ৰাজকীয় প্ৰৱেশৰ কাৰণে অনুৰাগীসকলে এই উদযাপনৰ কৰা দেখা গৈছে৷অন্যহাতেদি ভ্ৰাম্যমাণ থিয়েটাৰত হনুমানৰ বাবে সংৰক্ষিত আসন সন্দৰ্ভতো ছচিয়েল মিডিয়াত তীব্ৰ চৰ্চা চলিছে। আনহাতে, হিন্দী মহলত এই ছবিখনক লৈ এক বৃহৎ বিতৰ্কৰ সৃষ্টি হৈছে। এই অনুশীলনৰ কেন্দ্ৰবিন্দুত আছে হনুমানৰ কথিত ভাষা। সংলাপ লেখক মনোজ মুন্টাশ্বিৰে নিয়মিতভাৱে মৃত্যুৰ ভাবুকি লাভ কৰি আহিছে। বৰ্তমানৰ অশালীন ভাষাটো শুধৰণি কৰি উপযুক্ত সংলাপেৰে ছবিখন পুনৰ মুক্তি দিয়া হ’ব বুলিও কৈছে নিৰ্মাতাসকলে।
আৰু পঢ়ক: ৰাৱণ আৰু বিৰাট কোহলীৰ হেয়াৰকাট একেইঃ আদিপুৰুষৰ চৰিত্ৰ সন্দৰ্ভত মন্তব্য ৰামায়ণৰ লক্ষ্মণ চৰিত্ৰ ৰূপায়ণ কৰা অভিনেতাৰ
প্ৰথমে বহু টিকট বুকিং লাভ কৰিছিল যদিও তিনিদিনৰ পাছত দৰ্শনী তললৈ নামি আহিছিল। দেওবাৰে য’ত আয় আছিল ৬০ কোটি, সপ্তাহৰ আৰম্ভণিতে এক জোকাৰণিৰ দৰে আয় প্ৰায় ৭৭ শতাংশ হ্ৰাস পাব বুলি সকলোৱে আশংকাত কৰিছে। সকলোৱে আশা কৰিছে বক্স অফিচত ২০ কোটি টকাৰ সংগ্ৰহ কৰিব৷
ওম ৰাৱটৰ দ্বাৰা পৰিচালিত ছবিখনে মুক্তিৰ দিনটোত বিশ্বজুৰি ১৪০ কোটি টকা সংগ্ৰহ কৰে। ইয়াৰ পিছৰ দুদিন শনিবাৰ আৰু দেওবাৰে প্ৰায় ১০০ কোটি টকা উপাৰ্জন কৰিছিল। তিনিদিনত আয় হ’ল ৩৪০ কোটি। সূত্ৰ অনুসৰি সোমবাৰে এই ছবিখনৰ আয় আছিল ৮.৫ কোটি। এটা আঘাতত এই ছবিখনৰ প্ৰায় ৭৭ শতাংশ আয় হ্ৰাস পাইছে৷
Continue Reading
