সনাতন ধৰ্মক অপমানৰ অভিযোগ; উদয়ানিধিক মন্ত্ৰীপদৰ পৰা বৰ্খাস্তৰ বাবে কৰা আবেদন নাকচ মাদ্ৰাজ হাইকোৰ্টৰ

উদয়ানিধি আৰু শেখৰক তামিলনাডুৰ মন্ত্ৰীসভাৰ পৰা আৰু ৰাজাক সাংসদ পদৰ পৰা বৰ্খাস্ত কৰাৰ বাবে হিন্দুত্ববাদীয়ে দাখিল কৰা ৰিট আবেদনক মাদ্ৰাজ উচ্চ ন্যায়ালয়ে গ্ৰহণ কৰিবলৈ অস্বীকাৰ কৰে। হিন্দু মুন্নানী নামৰ এটা সংগঠনৰ সদস্য টি মনোহৰ আৰু তেওঁৰ দুই সহযোগীয়ে ন্যায়ালয়ে ডিএমকেৰ তিনিজন নেতাৰ বিৰুদ্ধে ব্যৱস্থা গ্ৰহণৰ দাবী জনায়।

উল্লেখ্য যে কিছুদিনৰ পূৰ্বে চেন্নাইত অনুষ্ঠিত হোৱা এটা অনুষ্ঠানত ডিএমকেৰ যুৱ নেতা উদয়ানিধিয়ে কয় যে সনাতন ধৰ্মৰ মতাদৰ্শ মচি পেলাবলৈ মোক এই অনুষ্ঠানলৈ আমন্ত্ৰণ জনোৱাৰ বাবে আয়োজকসকলক ধন্যবাদ জনাইছোঁ। সনাতন ধৰ্মৰ মতাদৰ্শৰ বিৰোধিতা কৰাৰ পৰিৱৰ্তে মচি পেলাব লাগে বুলি কোৱাৰ বাবে অনুষ্ঠানৰ আয়োজকসকলক অভিনন্দন জনাইছোঁ।এই পৰম্পৰা সামাজিক ন্যায় আৰু সমতাৰ বিৰোধী।সেই বৈঠকত উদয়নিধিয়ে কয়, কিছুমান কথা আছে, যাৰ বিৰোধিতা যথেষ্ট নহয়, সেইবোৰ মচি পেলোৱাৰ প্ৰয়োজন আছে। ক’ৰোনা, মেলেৰিয়া, ডেংগুৰ যেনেকৈ বিৰোধিতা কৰা নহয়,সেইবোৰ নিৰ্মূল কৰাটোৰহে প্ৰয়োজন, ঠিক একেদৰে পৰম্পৰাগত আদৰ্শবোৰো নিৰ্মূল কৰাটো প্ৰয়োজন। উদয়ানিধিৰ এই মন্তব্যৰ পাছতে বিতৰ্কৰ সৃষ্টি হয়। উদয়নিধিৰ এই মন্তব্যৰ বিৰোধিতা কৰে ডিএমকেৰ মিত্ৰ দল কংগ্ৰেছৰ কেইবাজনো নেতাই। তৃণমূলৰ নেত্ৰী মমতা বেনাৰ্জীয়েও ষ্টালিন পুত্ৰৰ মন্তব্যক সমৰ্থন নকৰে বুলি উল্লেখ কৰে।

আনহাতে, সোমবাৰে এখন সভাত ডিএমকেৰ সাংসদ ৰাজাই গুজৰাটৰ গোষ্ঠীগত সংঘৰ্ষত ভুক্তভোগী বিলকিছ বানোৰ কথা উল্লেখ কৰি কয় যে, “যেতিয়া মহিলাগৰাকীৰ নিৰ্যাতনকাৰীসকলক জেলৰ পৰা মুকলি কৰি দিয়া হৈছিল, তেতিয়া সমৰ্থকসকলে ‘জয় শ্ৰী ৰাম’ ধ্বনি দিছিল 'ভাৰতমতা কী জয়'ৰ ধ্বনি দিছিল।" ৰাজাৰ ভাষাত, "ইয়াৰ বাবে যদি ভাৰতমাতা আৰু ৰামৰ নাম ধ্বনি দিয়া হয়, তেন্তে আমি কোনো ধৰণে মানি নলওঁ।তামিলনাডুৱে কোনো ধৰণে মানি নলয়।''