ডিজিটেল ডেস্কঃ বন্ধ হোৱাৰ দিশে Paytm Payments Bank৷ ভাৰতীয় ৰিজাৰ্ভ বেংকৰ গৱৰ্ণৰ শক্তিকান্ত দাসে ইংগিত দিয়ে যে পেটিএম পেমেণ্টছ বেংকৰ বিৰুদ্ধে নিয়ন্ত্ৰণমূলক ব্যৱস্থা গ্ৰহণ কৰাৰ পূৰ্বে পৰ্যাপ্ত সময় দিয়া হৈছিল।
দাসে আৰু কয় যে আৰ বি আইয়ে তেতিয়াহে ব্যৱস্থা আৰম্ভ কৰে যেতিয়া "এনে গঠনমূলক নিয়োজকে কাম নকৰে বা নিয়ন্ত্ৰিত প্ৰতিষ্ঠানে ফলপ্ৰসূ ব্যৱস্থা গ্ৰহণ নকৰে। তেতিয়া আমি ব্যৱসায়িক বাধা আৰোপ কৰোঁ৷"
পেটিএম পেমেণ্টছ বেংকৰ বিৰুদ্ধে লোৱা ব্যৱস্থাৱলীৰ সৈতে জড়িত সবিশেষ জনোৱাৰ পৰা বিৰত থাকে দাস। এম পি চিৰ পাছৰ সংবাদমেলৰ সময়ত গভৰ্ণৰ দাসে লগতে কয় যে পেটিএমত চলি থকা সংকটৰ মাজতে আন ফিনটেক ফাৰ্মৰ বাবে চিন্তাৰ কোনো কাৰণ নাই।শক্তিকান্ত দাসে কয় যে আৰ বি আইয়ে বিত্তীয় খণ্ডত উদ্ভাৱন আৰু প্ৰযুক্তিক সমৰ্থন কৰি আছে আৰু কৰি যাব।ফিনটেক, উদ্ভাৱন, প্ৰযুক্তিৰ প্ৰসাৰৰ বাবে আৰ বি আইৰ দায়বদ্ধতাক লৈ কোনোৱে সন্দেহ কৰিব নালাগে৷
উল্লেখ্য যে,৩১ জানুৱাৰীত ৰিজাৰ্ভ বেংকে পেটিএম পেমেণ্টছ বেংকৰ বিৰুদ্ধে কঠোৰ নিয়ন্ত্ৰণমূলক ব্যৱস্থা গ্ৰহণ কৰিছিল আৰু ১ মাৰ্চৰ পৰা কিছুমান গুৰুত্বপূৰ্ণ সেৱা বন্ধ কৰিবলৈ নিৰ্দেশ জাৰী কৰিছিল।ইয়াৰ ফলত পেটিএম পেমেণ্ট বেংকৰ ৪৯ শতাংশ অংশীদাৰিত্ব থকা ৱালেট সেৱা আৰু ফাষ্টটেগৰ দৰে একাধিক কাৰ্যকলাপৰ বাবে ইয়াৰ ওপৰত নিৰ্ভৰশীল ডিজিটেল পেমেণ্ট ফাৰ্ম পেটিএমৰ বাবে সংকটৰ সৃষ্টি হৈছে।
Continue Reading
