ডিজিটেল ডেস্কঃ পুনৰ দেশত দেখা গৈছে অন্নদাতাৰ বৃহৎ প্ৰতিবাদ৷নয়ডা আৰু গ্ৰেটাৰ নয়ডাৰ কৃষকসকলে সংসদলৈ প্ৰতিবাদী সমদল ঘোষণা কৰাৰ লগে লগে বৃহস্পতিবাৰে পুৱা দিল্লী-নয়ডা সীমান্তত ব্যাপক যান-জঁটৰ সৃষ্টি হয়।
সৰিতা বিহাৰত কেইবাখনো দুচকীয়া আৰু চাৰিচকীয়া বাহনে যান-জঁটৰ বাবে খুন্দা মৰাৰ লগতে দিল্লীৰ পৰা নয়ডালৈ যোৱা পথতো প্ৰচণ্ড যান-জঁটৰ খবৰ পোৱা গৈছে।প্ৰতিবাদৰ পৰিপ্ৰেক্ষিতত আৰক্ষীয়ে নিৰাপত্তা বৃদ্ধি কৰাৰ লগতে ২৪ ঘণ্টাৰ বাবে সকলো সীমান্ত ছীল কৰি ৰখা হৈছে।
ৰাষ্ট্ৰীয় ৰাজধানীত প্ৰৱেশ কৰা প্ৰতিখন বাহন পৰীক্ষা কৰিবলৈ আৰক্ষীৰ বেৰিকেড স্থাপনৰ মাজতে দিল্লী-নয়ডা এক্সপ্ৰেছৱে’ত দীঘলীয়া যানজঁট দেখা গৈছে।নয়ডা আৰু গ্ৰেটাৰ নয়ডাৰ কৃষকসকলে ২০২৩ চনৰ ডিচেম্বৰৰ পৰা বৃদ্ধি পোৱা ক্ষতিপূৰণৰ দাবীৰে প্ৰতিবাদ সাব্যস্ত কৰি আহিছে, আৰু স্থানীয় কৰ্তৃপক্ষই পূৰ্বতে অধিগ্ৰহণ কৰা তেওঁলোকৰ মাটিৰ বিচাৰিও এই প্ৰতিবাদ গঢ়ি তুলিছে৷
ইয়াৰ পৰিপ্ৰেক্ষিতত কৃষক সংগঠন ‘কিষাণ মহাপঞ্চায়ত’-এ বৃহস্পতিবাৰে ৰাষ্ট্ৰীয় ৰাজধানীস্থিত সংসদলৈ প্ৰতিবাদী সমদল কৰি তেওঁলোকৰ দাবী পূৰণৰ আহ্বান জনায়।উল্লেখ্য যে, মঙলবাৰে আৰক্ষীয়ে ১৪৪ ধাৰা জাৰি কৰিছিল, আৰু ৭ আৰু ৮ ফেব্ৰুৱাৰীৰ পৰা এই নিষেধাজ্ঞা কাৰ্যকৰী হ’ব বুলি জনাইছিল।এই নিষেধাজ্ঞাৰ ভিতৰত পাঁচজনতকৈ অধিক লোকক অবৈধভাৱে একত্ৰিত কৰা আৰু ধৰ্মীয় আৰু ৰাজনৈতিককে ধৰি অকৰ্তৃত্বশীল শোভাযাত্ৰা নিষিদ্ধ কৰা বুলি নিৰ্দেশত উল্লেখ কৰা হৈছে।
Continue Reading
