ডিজিটেল ডেস্ক: ভাৰতীয় জনতা পাৰ্টীয়ে বৃহস্পতিবাৰে দলটোৰ সমূহ লোকসভা সাংসদক সংসদৰ বিশেষ অধিৱেশনৰ বাবে ১৮ৰ পৰা ২২ ছেপ্টেম্বৰৰ ভিতৰত সদনত উপস্থিত থাকিবলৈ হুইপ জাৰি কৰিছে৷ বিজেপিয়ে সদৰী কৰা তথ্য অনুসৰি, দলটোৱে সাংসদসকলক আলোচিতব্য গুৰুত্বপূৰ্ণ আইনী বিষয় সম্পৰ্কে আলোচনা কৰিবলৈ আৰু চৰকাৰৰ স্থিতিক সমৰ্থন কৰিবলৈ উপস্থিত থাকিবলৈ নিৰ্দেশ জাৰি কৰিছে৷
বুধবাৰে চৰকাৰে ১৮ ছেপ্টেম্বৰৰ পৰা আৰম্ভ হ’বলগীয়া সংসদৰ পাঁচদিনীয়া অধিৱেশনৰ প্ৰথম দিনা সংবিধান সভাৰ পৰা আৰম্ভ কৰি সংসদৰ ৭৫ বছৰীয়া যাত্ৰা সন্দৰ্ভত এক বিশেষ আলোচনা তালিকাভুক্ত কৰে। অধিৱেশনৰ সময়ত চৰকাৰে মুখ্য নিৰ্বাচন আয়ুক্ত আৰু অন্যান্য নিৰ্বাচন আয়ুক্তৰ নিযুক্তিৰ বাবে বিধেয়কখন বিবেচনা আৰু গৃহীত কৰাৰ বাবেও তালিকাভুক্ত কৰে।
বিগত বৰ্ষাকালীন অধিৱেশনৰ সময়ত বিধেয়কখন ৰাজ্যসভাত উত্থাপন কৰা হৈছিল৷ অধিৱেশনখনত সংসদৰ কাৰ্যক্ৰম পুৰণি ভৱনৰ পৰা নতুন সংসদ ভৱনলৈ যোৱাৰ সম্ভাৱনা আছে।
লোকসভাৰ বাবে তালিকাভুক্ত আন বিষযসমূহৰ ভিতৰত আছে ‘অধিবক্তা (সংশোধনী) বিধেয়ক, ২০২৩’ আৰু ‘দ্য প্ৰেছ এণ্ড ৰেজিষ্ট্ৰেচন অব্ পিৰিয়ডিকেলচ বিধেয়ক, ২০২৩’ ইতিমধ্যে ৩ আগষ্টত ৰাজ্যসভাত গৃহীত হৈছে।
ইয়াৰ উপৰি ‘ডাকঘৰ বিধেয়ক, ২০২৩’ লোকসভাৰ কাৰ্যক্ৰমৰ বাবে তালিকাভুক্ত কৰা হৈছে৷ বিধেয়কখন পূৰ্বে ২০২৩ চনৰ ১০ আগষ্টত ৰাজ্যসভাত উত্থাপন কৰা হৈছিল।
Continue Reading
