ডিজিটেল ডেস্কঃ সন্মুখত লোকসভা নিৰ্বাচন নিৰ্বাচনৰ কথা মনত ৰাখিয়েই হয়তো এইবাৰৰ বাজেটত নিৰ্মলা সীতাৰমণে চৰকাৰী কৰ্মচাৰীক বিশেষ ৰেহাই দিছে৷ বিত্ত মন্ত্ৰী নিৰ্মলা সীতাৰমণে আজি দেশৰ আয়কৰ দাতাসকললৈ বিশেষ সকাহ ঘোষণা কৰিছে৷ সেইমৰ্মে ৭ লাখ টকালৈকে উপাৰ্জন সকলৰ বাবে আয়কৰ ৰেহাই ঘোষণা কৰিছে।
তেওঁ আশা কৰিছে যে দেশৰ কোটি কোটি কৰ্মচাৰীয়ে কৰ ৰেহাইৰ ঘোষণাৰ বাবে সকাহ পাব।এক কথাত ক’বলৈ গ’লে ৫০ হাজাৰ টকালৈ মাহিলী দৰমহা পোৱা কৰ্মচাৰীসকলে এতিয়া আৰু আয়কৰ দিব নালাগিব৷ বিত্ত মন্ত্ৰী নিৰ্মলা সীতাৰমণে বেতনভোগী লোকসকলৰ বাবে আয়কৰ ৰেহাই দি কৰ্মচাৰীসকলক সন্তু্ষ্ট কৰিবলৈ সক্ষম হৈছে৷
বিগত বৰ্৷ত আয়কৰ ৰেহাইৰ সীমা ৫ লাখ টকা আছিস৷ এইবেলি সেই সীমা ৭ লাখ টকালৈ বৃদ্ধি কৰা হৈছে। যিসকলৰ বাৰ্ষিক উপাৰ্জন ১৫ লাখ টকা তেওঁলোকে ১.৫ লাখ টকা কৰ পৰিশোধ কৰিব লাগিব। আগতে ১ লাখ ৮৭ হাজাৰ টকা পৰিশোধ কৰিব লাগিছিল৷ যদি বাৰ্ষিক উপাৰ্জন ৯ লাখৰ পৰা ১২ লাখ টকাৰ ভিতৰত হয়, তেন্তে কৰ ১৫ শতাংশ হাৰত পৰিশোধ কৰিব লাগিব
১২ লাখ টকাৰ পৰা ১৫ লাখ টকালৈ কৰ ২০ শতাংশ হ'ব।যদি বাৰ্ষিক উপাৰ্জন ১৫ লাখ টকাতকৈ অধিক হয়, তেন্তে কৰ ৩০ শতাংশ হাৰত পৰিশোধ কৰিব লাগিব।
Continue Reading
