কেন্দ্ৰীয় বিত্তমন্ত্ৰী নিৰ্মলা সীতাৰমণে আজি দিনৰ ১১ বজাত সংসদত উত্থাপন কৰে মোদী চৰকাৰৰ অন্তিম খন পূৰ্ণাংগ বাজেট৷ অমৃতকালৰ অন্তিম বাজেট আখ্যা দিয়া বাজেট খনত সাত টা বিশেষ দিশৰ ওপৰত গুৰুত্ব দিয়া হৈছে৷ সেই দিশ কেইটা হৈছে ক্ৰমে একত্ৰিত বিকাশ, আন্তঃগাঁথনিত বি

Listen to Article

2 min read

80%

ডিজিটেল ডেস্কঃ কেন্দ্ৰীয় বিত্তমন্ত্ৰী নিৰ্মলা সীতাৰমণে আজি দিনৰ ১১ বজাত সংসদত উত্থাপন কৰে মোদী চৰকাৰৰ অন্তিম খন পূৰ্ণাংগ বাজেট৷ অমৃতকালৰ অন্তিম বাজেট আখ্যা দিয়া বাজেট খনত সাত টা বিশেষ দিশৰ ওপৰত গুৰুত্ব দিয়া হৈছে৷ সেই দিশ কেইটা হৈছে ক্ৰমে একত্ৰিত বিকাশ, আন্তঃগাঁথনিত বিনিয়োগ ,দেশৰ প্ৰতিভা বা দক্ষতাৰ বিকাশ,সেউজকৰণ ,যুৱ উন্নয়ন ,বিত্ত বিভাগৰ দক্ষতা বৃদ্ধি, লক্ষ্য প্ৰাপ্ত কৰাৰ বাবে কাৰ্যসূচীৰ ৰূপায়ন৷বাজেটত কি সামগ্ৰীৰ দাম বাঢ়িল, কি সামগ্ৰীৰ দাম কমিল জানো আহক-

সোণ, প্লেটিনাম, ৰূপৰ ওপৰত আমদানি শুল্ক বৃদ্ধি পাইছে। ফলত দাম বাঢ়িব৷ যৌগিক ৰবৰৰ ওপৰত আমদানি শুল্ক বৃদ্ধি কৰা হৈছে। চিগাৰেটৰ ওপৰত কৰ বাঢ়িছে। ফলস্বৰূপে, মূল্য বৃদ্ধি হ'ব। হেডফোন আৰু ইয়াৰফোন ,ছাতি, এক্স-ৰে যন্ত্ৰ,ইমিটেচন জুৱেলাৰী ,ফ্ৰোজেন স্কুইড ,স্মাৰ্ট মিটাৰ ,এচাফোটিডা,সৌৰ কোষ আদিৰ দাম বৃদ্ধি পাব৷

কৰ ৰেহাইৰ ফলত বৈদ্যুতিক গাড়ীৰ মূল্য হ্ৰাস পাব। জৈৱ গেছৰ মূল্য হ্ৰাস হ'ব । ম'বাইল পাৰ্টচ, টেলিভিছন পাৰ্টচ, কাৰ পাৰ্টচ, কেমেৰা লেন্স, বেটাৰি, পুতলাৰ ওপৰত কৰ ৰেহাই দিয়া হৈছে।সেয়ে এনেবোৰ দেশত নিৰ্মিত মোবাইল ফোনৰ মূল্য হ্ৰাস পাব। পাকঘৰৰ চিমনিৰ ওপৰত কৰ ৰেহাই। উদ্যোগটোত ব্যৱহৃত সুৰাৰ ওপৰত কৰ ৰেহাই। মোবাইল ফোন চাৰ্জাৰ, কোকো বীন সৌৰ মডিউল, মিথাইল এলকহলৰ দাম কমিব৷