ডিজিটেল ডেস্কঃ দুবছৰ পূৰ্বে এদিন ভেঁড়াটো হঠাতে হেৰাই গৈছিল। শৈলভূমিত হেৰাই যোৱা ভেঁড়াটো অৱশেষত উদ্ধাৰ হৈছে। ব্ৰিটেইনৰ আটাইতকৈ নিঃসংগ ভেঁড়া বুলি অভিহিত কৰা এই ভেঁড়াটো স্কটিছ হাইলেণ্ডৰ দূৰৱৰ্তী এলেকাৰ পৰা উদ্ধাৰ কৰা হৈছে।
ফিওনা নামৰ ভেঁড়াটো কমেও দুবছৰ ধৰি শৈলভূমিত আৱদ্ধ হৈ আছিল।
পাঁচজন কৃষকে ভেঁড়াটোক সুৰক্ষিত স্থানলৈ অনাৰ বাবে উদ্ধাৰৰ অভিযান চলাইছিল।
ভেঁড়াটোৰগৰাকী কেমি উইলচনে ফিওনাৰ উদ্ধাৰ অভিযানত আগভাগ লৈছিল। দুৰ্গম শৈলভূমিত তেওঁলোকে অভিযান আৰম্ভ কৰিছিল। শিলাময় ওখ ভূমিত এই অভিযান আছিল মৃত্যুৰে খেলা কৰা অভিযান। কিন্তু সেই অভিযানত সফল হ’ল তেওঁলোক। ফিওনা পুনৰ ঘৰলৈ উভতিব পাৰিব, আগৰ দৰেই পুনৰ চৰিব পাৰিব সেউজ তৃণভূমিত।
Continue Reading
