সোণ খটোৱা দুটা দাঁতে ১৬ বছৰৰ পিছত বিপদ মাতিলে এজন অপৰাধীৰ , কিদৰে আহিল বিপদ?

উল্লেখ্য  ২০০৭ চনতে তেওঁৰ বিৰুদ্ধে গোচৰ  পঞ্জীয়ন কৰা হৈছিল৷ তাৰ পিছতে অভিযুক্তজনে এক নতুন পৰিচয়ৰে আন ঠাইত থাকিবলৈ লৈছিল৷  আৰক্ষীয়ে জনোৱা অনুসৰি জাদেজাই ২০০৭ চনত পেৰেলত কাপোৰৰ দোকানত কাম কৰিছিল৷   সেই বছৰৰে ২৮ জুলাইত  জাদেজাক মালিকে ৪০,০০০ টকা সংগ্ৰহ কৰিবলৈ পঠিয়াইছিল ৷  কিন্তু জাদেজাই ডকাইতিৰ নাটক ৰচনা কৰি সেই ধন আত্মসাতৰ চেষ্টা কৰিছিল৷ কাপোৰ ব্যৱসায়ীজনে আৰক্ষীৰ ওচৰত অভিযোগ দাখিল কৰিছিল।

 গোচৰটোত জাদেজাৰ ভূমিকা নিশ্চিত কৰাৰ পিছত তেওঁক একেদিনাই গ্ৰেপ্তাৰ কৰা হৈছিল৷ কিন্তু জাদেজাই তিনি দিনৰ পিছত জামিন লাভ কৰিবলৈ সক্ষম হয় আৰু তাৰ  পিছতে  তেওঁ কচ্ছলৈ পলাই যায় । শুনানিৰ সময়ত তেওঁ আদালতত হাজিৰ হ'বলৈ বিফল হোৱাৰ পিছত, জাদেজাক পলাতক  অপৰাধী হিচাপে ঘোষণা কৰা হয়। সহকাৰী আৰক্ষী পৰিদৰ্শক মহেশ লামখাদে কয় , "এক বিশেষ অভিযানৰ অংশ হিচাপে মুম্বাই আৰক্ষীয়ে লোকজনক বিচাৰি উলিয়াবলৈ চেষ্টা কৰি আছিল... আমি এমাহ আগতে পুনৰ জাদেজাক বিচাৰিবলৈ আৰম্ভ কৰিছিলো।" আমি পেৰেল এলেকাত তেওঁৰ বিষয়ে সোধা-পোছা আৰম্ভ কৰিছিলো, যিহেতু তেওঁ তাত কাম কৰিছিল। কিন্তু আমি কোনো তথ্য পোৱা নাছিলো," এজন বিষয়াই কয়৷ তেওঁ লগতে কয়  "পিছত  আমি লক্ষ্য কৰিছিলো যে তেওঁৰ দুটা প্ৰস্থেটিক দাঁত সোণেৰে বন্ধোৱা  আছে।আৰু আমি সেই পৃথক বৈশিষ্ট্যৰ ওপৰত আধাৰ কৰি লোক জনক বিচাৰিবলৈ আৰম্ভ কৰিলোঁ।" অনুসন্ধানৰ সময়ত,  আৰক্ষীয়ে জানিব পাৰে যে লোকজন   কচ্ছৰ মাণ্ডৱী তালুকাৰ চাভাৰাই গাঁৱত আছে৷  সেই ঠাইত থকা প্ৰবীণ জাদেজা নামৰ সকলো লোকৰ ওপৰত চকু ৰখা হৈছিল৷

তাৰে এজনৰ  দুটা সোণ  খটোৱা ৰখা দাঁত থকাৰ কথা নিশ্চিত হোৱাৰ পিছতে লোক জনক গ্ৰেপ্তাৰ কৰা হয়৷  নতুন ঠাইত প্ৰবীণে তেওঁৰ নাম আছিল প্ৰদীপসিংহ জেডেগা বুলি ৰাখিছিল । আৰক্ষীয়ে তেওঁলোকৰ ইনফৰ্মাৰৰ জৰিয়তে তেওঁৰ ছবি খন লাভ  কৰিবলৈ সক্ষম হৈছিল আৰু এনেদৰে জেডেগাক চিনাক্ত কৰি গ্ৰেপ্তাৰ কৰা হয়৷   আৰক্ষীয়ে  লোকজনক ফোন কৰি কৈছিল যে  তেওঁৰ এলআইচি পলিচি মেছিউৰড হৈছে সেই ধন আনিবলৈ তেওঁ মুম্বাইলৈ আহিব লাগে৷  প্ৰবীণ আহিছিল আৰু আৰক্ষীৰ জালত ভৰি দিছিল৷