ডিজিটেল ডেস্কঃ বলীউডত ছলমান খানৰ বিপৰীতে দাবাং ছবিৰে বলীউডত অভিষেক ঘটাইছিল সোণাক্ষী সিনহাই। ছবিখন হিট হোৱাৰ লগে লগে সোণাক্ষীক বলীউডে গ্ৰহণ কৰে। ইয়াৰ পিছত সোণাক্ষীয়ে আন কিছুমান ছবিতো অভিনয় কৰে। এক সাক্ষাৎকাৰত সোণাক্ষীয়ে ছবিত প্ৰৱেশ কৰাৰ পূৰ্বে নিজৰ যাত্ৰাৰ বিষয়ে কয়। সোণাক্ষীয়ে কয় যে তেওঁ কলেজত পঢ়ি থাকোঁতে প্ৰথম চাকৰি পাইছিল। সেই সময়ত তেওঁ ফেশ্বন ডিজাইনিঙৰ পাঠ্যক্ৰম কৰি আছিল।
তেওঁ কয়, মোৰ প্ৰথম কাম আছিল কলেজত স্বেচ্ছাসেৱক হিচাপে। পাঁচদিনীয়া ফেশ্বন শ্ব’ৰ বাবে মই ৩০০০ টকা দৰমহা পাইছিলো। চাকৰিটোত মোৰ কৰ্তব্য আছিল মানুহক নিজৰ নিৰ্ধাৰিত আসনত বহিবলৈ দিয়া। এটা শ্ব’ত ছলমান খান আৰু আৰবাজ খানো আহিছিল। ছলমান ছাৰে মোক সুধিলে, তুমি ইয়াত কি কৰি আছা? দৰমহা পোৱা নে নোপোৱা? মই ক’লোঁ-হয়। তেওঁ সুধিলে-কিমান? মোৰ দৰমহা কোৱাৰ লগে লগে তেওঁ ডাঙৰকৈ হাঁহি এটা মাৰি সেই দৰমহাৰ পৰা তেওঁৰ বাবে উপহাৰ এটা আনিবলৈ ক’লে। মই এতিয়ালৈকে তেওঁক কোনো উপহাৰ দিয়া নাই কাৰণ তেতিয়া মই ভাবিছিলো তিনি হাজাৰ টকাত মই ছলমান ছাৰক কি উপহাৰ দিম।
তেতিয়া আৰবাজে কৈছিল যে তেওঁ এখন ছবিৰ পৰিকল্পনা কৰিছে আৰু মই তাত ফিট হ’ব পাৰো। ডেৰ বছৰৰ পাছত ছলমান ছাৰে মোক ফোন কৰি দাবাঙত নিজৰ নায়িকা হ’বলৈ প্ৰস্তাৱ আগবঢ়াইছিল। সোণাক্ষীয়ে কয় যে তেওঁৰ আগতে অভিনেত্ৰী হোৱাৰ কোনো ইচ্ছা নাছিল আৰু চেটত উপস্থিত হোৱাৰ লগে লগে ছবি নিৰ্মাণৰ প্ৰক্ৰিয়াটোৰ প্ৰতি আগ্ৰহী হৈ পৰিছিল। অভিনৱ কাশ্যপে পৰিচালনা কৰিছিল দাবাং। এই ছবিখনে শ্ৰেষ্ঠ জনপ্ৰিয় চলচ্চিত্ৰৰ ৰাষ্ট্ৰীয় চলচ্চিত্ৰ বঁটা লাভ কৰিছিল।
Continue Reading
