ডিজিটেল ডেস্কঃ অৰিজিত সিং... নামেই যাৰ পৰিচয়। যাৰ মায়াবী কণ্ঠত আকণ্ঠ ডুব গৈ থাকে লক্ষ লক্ষ জনতা। অৰিজিত সিঙৰ গান মানেই শান্তিৰ নিজৰা। ৰিয়েলিটি শ্ব’ ‘ফেম গুৰুকুল’ৰ পৰা যাত্ৰা আৰম্ভ কৰি আজি তেওঁ মেগা চেলিব্ৰিটি হৈ পৰিছে। ‘আশ্বিকী ২’ ছবিৰ ‘কিউকি তুম হি হো’ৰ জৰিয়তে নিশাটোৰ ভিতৰতে জনপ্ৰিয়তা লাভ কৰি চাঞ্চল্যৰ সৃষ্টি কৰিছিল অৰিজিত সিঙে। এতিয়া দেশৰ চুকে-কোণে বাজি থাকে অৰিজিতৰ গান।
শেহতীয়াকৈ এক যুগান্তকাৰী সাফল্যৰে অৰিজিত সিঙে সংগীত ইতিহাসত খোদিত কৰিলে নিজৰ নাম। অৰিজিত সিং প্ৰথমজন অনা ইংৰাজী গায়ক শিল্পী যিয়ে স্পটিফাইত লাভ কৰিলে ৯০ মিলিয়ন ফ’ল’ৱাৰ্ছ। এই মাইলৰ খুঁটিটোৱে অৰিজিতৰ আত্মাস্পৰ্শী কণ্ঠক বেলেগ এক পৰিচয় প্ৰদান কৰিলে।
আৱেগিক কণ্ঠ আৰু বহুমুখী গায়নশৈলীৰ বাবে বিখ্যাত অৰিজিৎ সিঙে ভাষিক বাধা অতিক্ৰম কৰি সমগ্ৰ বিশ্বৰ শ্ৰোতাক নিজৰ মায়াৱী কণ্ঠেৰে মোহিত কৰিবলৈ সক্ষম হৈছে।
এই কীৰ্তিচিহ্নস্বৰূপ মাইলৰ খুঁটিত উপনীত হোৱা প্ৰথমজন অনা ইংৰাজী শিল্পী হিচাপে অৰিজিতৰ এই সাফল্যই সংগীতৰ সাংস্কৃতিক সীমা অতিক্ৰম কৰি বিশ্বব্যাপী বৈচিত্ৰময় শ্ৰোতাৰ মাজত অনুৰণন ঘটোৱা শক্তিৰ উদাহৰণ দাঙি ধৰিছে। ডিজিটেল যুগত কলাত্মক প্ৰকাশৰ সীমাহীন স্বৰূপক পুনৰ দৃঢ় কৰি তুলিলে অৰিজিত সিঙে।
Continue Reading
