বৰ্তমানেও অশান্ত হৈ আছে মণিপুৰ৷হিংসাত্মক অপৰাধ, আক্ৰমণ, অগ্নিসংযোগৰ বাতৰিৰ প্ৰতি সঁহাৰি জনাই ছ’চিয়েল মিডিয়া প্লেটফৰ্মৰ জৰিয়তে প্ৰচাৰিত হোৱা ভুৱা উৰাবাতৰিৰ বিৰুদ্ধে যুঁজিবলৈ মণিপুৰ চৰকাৰে ২০ জুন শনিবাৰে ঘোষণা কৰে যে মোবাইল ইণ্টাৰনেট আৰু ব্ৰডবেণ্ডৰ ওপৰত

Listen to Article

2 min read

80%

ডিজিটেল ডেস্কঃ বৰ্তমানেও অশান্ত হৈ আছে মণিপুৰ৷হিংসাত্মক অপৰাধ, আক্ৰমণ, অগ্নিসংযোগৰ বাতৰিৰ প্ৰতি সঁহাৰি জনাই ছ’চিয়েল মিডিয়া প্লেটফৰ্মৰ জৰিয়তে প্ৰচাৰিত হোৱা ভুৱা উৰাবাতৰিৰ বিৰুদ্ধে যুঁজিবলৈ মণিপুৰ চৰকাৰে ২০ জুন শনিবাৰে ঘোষণা কৰে যে মোবাইল ইণ্টাৰনেট আৰু ব্ৰডবেণ্ডৰ ওপৰত নিষেধাজ্ঞা অতিৰিক্ত পাঁচ দিনৰ বাবে বৃদ্ধি কৰা হৈছে৷ ২৫/০৬/২০২৩ তাৰিখলৈকে তাৎক্ষণিকভাৱে কাৰ্যকৰী হোৱাকৈ চৰকাৰৰ ফালৰ পৰা এই নিৰ্দেশনা দিয়া হৈছে, ২৫ জুনৰ বিয়লি ৩:০০ বজালৈকে এই নিৰ্দেশনা বাহাল থাকিব৷ এই পদক্ষেপ লোৱাৰ মূল কাৰণ হিচাপে ছ’চিয়েল মিডিয়াৰ অনুপযুক্ত ব্যৱহাৰ হোৱাৰ সম্ভাৱনা কমোৱা আৰু ৰাজ্যৰ আইন-শৃংখলাৰ পৰিস্থিতিত ব্যাঘাতকে চিহ্নিত কৰোৱা হৈছে।

মণিপুৰত প্ৰথমবাৰৰ বাবে জাতিগত হিংসাৰ সূত্ৰপাত হোৱা বাবে ৩ মে’ৰ পৰাই চৰকাৰে বাৰে বাৰে ইণ্টাৰনেট সেৱা বন্ধ ৰখাৰ নিৰ্দেশ জাৰি কৰি আহিছে।শেহতীয়া চৰকাৰী অধিসূচনাত কোৱা হৈছে যে, “আশংকা কৰা হৈছে যে কিছুমান অসামাজিক উপাদানে জনসাধাৰণৰ আবেগক উচটনি দিয়া ছবি, ঘৃণামূলক ভাষণ আৰু ঘৃণামূলক ভিডিঅ’ বাৰ্তা বিয়পোৱাৰ বাবে ছ’চিয়েল মিডিয়াক ব্যাপকভাৱে ব্যৱহাৰ কৰিব পাৰে যিয়ে ৰাজহুৱা জীৱনসমূহৰ ওপৰত গুৰুতৰ প্ৰভাৱ পেলাব পাৰে৷"