ডিজিটেল ডেস্কঃ ভাৰতত তুলসী উদ্ভিদক অতি পবিত্ৰ বুলি গণ্য কৰা হয়, যাৰ বাবে এই উদ্ভিদক বেছিভাগ ঘৰতে ৰখা হয়। যদি এই উদ্ভিদক আয়ুৰ্বেদৰ ধন বুলি কোৱা হয়, তেন্তে সম্ভৱতঃ ভুল নহ’ব, কাৰণ ইয়াত ঔষধি গুণৰ অভাৱ নাই। ইয়াৰ সহায়ত ৰোগ প্ৰতিৰোধ ক্ষমতা বৃদ্ধি পায়, যাৰ ফলত চৰ্দি, কাহ আৰু ভিন্ন ৰোগৰ সম্ভাৱনা যথেষ্ট হ্ৰাস পায়। আপুনি জানেনে শুকান তুলসী পাতৰো আছে অনেক ঔষধি গুণ।
১) শুকান তুলসীৰ পাতখিনি এটা বাটিত ৰাখিব। এতিয়া কেৰাহীত এগিলাচ পানী গৰম কৰি তাৰ পিছত এই শুকান পাতবোৰ তাত মিহলাই লওক। এতিয়া চালনীৰ সহায়ত ফিল্টাৰ কৰি খালে ৰোগ প্ৰতিৰোধ ক্ষমতা বৃদ্ধি পাব।
২) যদি ঘৰত অত্যধিক শুকান তুলসীৰ পাত জমা হৈছে, তেন্তে মিক্সাৰত পিহি গুড়ি কৰি ৰাখক আৰু বহু ৰেচিপিত মিহলাই ইয়াৰ সোৱাদ বৃদ্ধি কৰিব পাৰে।
৩) চালাড বা পিজ্জাক ভাল সোৱাদ দিবলৈ শুকান তুলসীৰ পাত ব্যৱহাৰ কৰিব পাৰে। এই পাতৰ সহায়ত জুতি প্ৰস্তুত কৰি এই খাদ্যৰ ওপৰত ছটিয়াই দিব পাৰে।
৪) শুকান তুলসীৰ পাত সাৰ হিচাপেও ব্যৱহাৰ কৰিব পাৰি। হাতেৰে মোহাৰি শুকান তুলসীৰ পাতবোৰ মাটিৰ লগত মিহলি কৰি দিয়ক। যি গছৰ শিপাত ইয়াক ৰখা হয়, সেই গছজোপাৰ বৃদ্ধি ভাল হ’ব।
Continue Reading
