বলীউডৰ কিং খ্যাত শ্বাহৰূখ খানে নিজৰ গীতৰ তালে তালে নচুৱালে ভাৰতীয় ক্ৰিকেটৰ মহাতাৰকা বিৰাট কোহলীক৷ক’লকাতাৰ ইডেন গাৰ্ডেনত অনুষ্ঠিত হোৱা ৰয়েল চেলেঞ্জাৰছ বেংগালুৰু আৰু কেকেআৰৰ মাজৰ খেলখনত তাৰকা হিচাপে পৰিগণিত হৈছিল ছুপাৰষ্টাৰ শ্বাহৰূখ খান। ৬এপ্ৰিলত অনুষ্ঠিত

Listen to Article

2 min read

80%

ডিজিটেল ডেস্কঃ বলীউডৰ কিং খ্যাত শ্বাহৰূখ খানে নিজৰ গীতৰ তালে তালে নচুৱালে ভাৰতীয় ক্ৰিকেটৰ মহাতাৰকা বিৰাট কোহলীক৷ক’লকাতাৰ ইডেন গাৰ্ডেনত অনুষ্ঠিত হোৱা ৰয়েল চেলেঞ্জাৰছ বেংগালুৰু আৰু কেকেআৰৰ মাজৰ খেলখনত তাৰকা হিচাপে পৰিগণিত হৈছিল ছুপাৰষ্টাৰ শ্বাহৰূখ খান। ৬এপ্ৰিলত অনুষ্ঠিত হোৱা খেলখনত ৰয়েল চেলেঞ্জাৰছ বেংগালুৰু (আৰ চি বি)ক ৮১ ৰানত পৰাস্ত কৰি ছুপাৰষ্টাৰগৰাকীক উদযাপনৰ সুযোগ দিলে কলকাতা নাইট ৰাইডাৰ্ছে।উল্লেখযোগ্য যে শ্বাহৰূখ খান IPLৰ অন্যতম গুৰুত্বপূৰ্ণ দল কলকাতা নাইট ৰাইডাৰ্ছৰ স্বতাধিকাৰী৷

এতিয়া ৰয়েল চেলেঞ্জাৰছ বেংগালুৰুৰ অধিনায়ক বিৰাট কোহলীক স্নেহেৰে ওপচাই পেলোৱা শ্বাহৰূখ খানক লৈ ইণ্টাৰনেটত এক হুলস্থূলীয়া পৰিৱেশৰ অৱতাৰণা হৈছে৷

খেলৰ ফলাফলৰ পিছত ছ’চিয়েল মিডিয়াত শ্বাহৰূখ খান আৰু বিৰাট কোহলীৰ অনুৰাগীৰ মাজত সংঘৰ্ষ হোৱা দেখা গৈছিল যদিও অভিনেতাগৰাকীয়ে "ঝুমে জো পাঠান" শীৰ্ষক গীতটিত কোহলীৰ সৈতে ভৰি জোকাৰি নাচি থকা দেখা গৈছে।ভিডিঅ’টিত কোহলীক শ্বাহৰূখ খানে নৃত্য শিকাই থকাও পৰিলক্ষিত হৈছে৷

মেচখনৰ সময়ত শ্বাহৰূখ খানৰ সৈতে আছিল তেওঁৰ কন্যা চুহানা খান আৰু তেওঁৰ বন্ধু শনয়া কাপুৰ।পিন্ধনত আছিল শ্বাহৰূখৰ শৰীৰত এটা ক’লা হুডি আৰু এটা ক’লা ডেনিম৷