ডিজিটেল ডেস্কঃ শ্বাহৰূখ খানৰ ছবি ‘জৱান’ মুক্তি পোৱাৰ পিছত ছানী দেউলৰ ছবি ‘গাদাৰ-২’ৰ উপাৰ্জন হ্ৰাস হ’বলৈ আৰম্ভ কৰিছে। শ্বাহৰূখ খানৰ ছবি ‘পাঠান’ৰ অভিলেখ এতিয়ালৈকে ভংগ কৰিবলৈ সক্ষম হোৱা নাই ‘গাদৰ-২’এ। এনে পৰিস্থিতিত ‘গাদাৰ-২’ৰ নিৰ্মাতাসকলে ছবিখনৰ টিকটত বাম্পাৰ অফাৰ দি টিকটৰ দাম হ্ৰাস কৰিছে।
উল্লেখযোগ্য যে শ্বাহৰূখ খানৰ ব্লকবাষ্টাৰ ছবি ‘পাঠান’এ বক্স অফিচত মুঠ ৫৪০.৫১ কোটি টকা সংগ্ৰহ কৰিছিল। আনহাতে ছানী দেউলৰ ছবিখনে এই সংখ্যা এতিয়াও স্পৰ্শ কৰা নাই। আনহাতে, কিং খানৰ শেহতীয়া মুক্তিৰ ছবি ‘জৱান’য়েও বক্স অফিচত নিজৰ আধিপত্য বজাই ৰাখিছে। এনে পৰিস্থিতিত ‘গাদাৰ ২’ৰ নিৰ্মাতাসকলে নিজৰ ছবিখনৰ উপাৰ্জন বজাই ৰাখিবলৈ ছবিখনৰ টিকটৰ মূল্য ১৫০ টকালৈ হ্ৰাস কৰিছে।
ইনষ্টাগ্ৰামৰ জৰিয়তে ‘গাদাৰ ২’ৰ টিকট সস্তা কৰাৰ খবৰটো নিজেই প্ৰযোজকে দিছে। উল্লেখযোগ্য যে যোৱা মাহত ১১ আগষ্টত মুক্তি পোৱা ‘গাদাৰ ২’। তেতিয়াৰ পৰাই ছবিখনে বক্স অফিচত বহু অভিলেখ ভংগ কৰিছিল। শ্বাহৰূখ খানৰ ছবি ‘জৱান’ মুক্তি পোৱাৰ পাছত ছবিখনৰ বক্স অফিচত পতন আৰম্ভ হৈছিল৷
Continue Reading
