ডিজিটেল ডেস্কঃ আজিকালি যুৱচামৰ অধিকাংশই চাকৰিৰ পাছত নদৌৰি নিজাকৈ কিবা এটা আৰম্ভ কৰাৰ কথা ভাবে। যাৰ জৰিয়তে নিজেও স্বাৱলম্বী হোৱাৰ লগতে আনকো সংস্থাপন দিব পাৰে। শেহতীয়াকৈ এগৰাকী যুৱতী চৰ্চাত আহিছে। যুৱতীগাৰকীৰ নাম অমন হণ্ডাল। অমনে ছিংগাপুৰৰ পৰা হোটেল মেনেজমেণ্টৰ কোৰ্চ কৰিছিল।
তেওঁ চাকৰিৰ আশাত নাথাকি পঞ্জাবৰ মোহলীত পথৰ কাষত এখন ধাবা স্থাপন কৰে। অমনে এটা ইউটিউব ভিডিঅ’ত নিজৰ ব্যৱসায়ৰ বিষয়ে কয়। এয়া দেখি মানুহে ছোৱালীজনীৰ সাহস আৰু প্ৰচেষ্টাক প্ৰশংসা কৰিছে। খাদ্যৰ মানদণ্ড আৰু উচিত দামৰ বাবে অতি কম দিনৰ ভিতৰতে তেওঁ যথেষ্ট জনপ্ৰিয় হৈ পৰিছে।
যদিও অমনে ৰাস্তাৰ দাঁতিত মানুহক খুৱায়, তথাপিও তেওঁ পৰিষ্কাৰ-পৰিচ্ছন্নতা সম্পূৰ্ণৰূপে মানি চলে। অমনে কয় যে তেওঁ যি খাদ্য পৰিবেশন কৰে সেয়া ঘৰতে বনোৱা। অমনে ভিডিঅ’টোত দাবী কৰিছে যে তেওঁ ব্যৱহাৰ কৰা প্লেটখনো সম্পূৰ্ণ পৰিৱেশ অনুকূল। অমনে কয় যে তেওঁ ৬০ আৰু ৮০ টকাৰ প্লেট দিয়ে। দুপৰীয়া ১২ বজাৰ পৰা ৩.৩০ বজালৈ অমনে ৰাস্তাৰ কাষৰ ধাবা চলায়। ৰাতিপুৱা ৬ বজাৰ পৰা খাদ্য প্ৰস্তুত কৰা আৰম্ভ হয়।
অমনে ক’লে যে মই ভাবো যে মানুহে যিয়েই বিচাৰে, তেওঁ সেই কামটো কৰিব লাগে। বহু মহিলাই দ্বিধাবোধ কৰে। নাৰীয়ে ৰন্ধা-বঢ়া জানে, এনে অৱস্থাত খাদ্য প্ৰস্তুত কৰি পকেটৰ ধন উলিয়াব পাৰে। অমনে এই ভিডিঅ’টোত YouTuberক জনাইছে যে দিন অনুযায়ী প্ৰতিদিনে খাদ্যৰ মেনু সলনি হয়। আমানে ছিংগাপুৰৰ পৰা হোটেল মেনেজমেণ্টত এডভান্স ডিপ্লমা কোৰ্চ কৰিছে। কিন্তু অমনে মাকৰ পৰা বহুতো ৰন্ধা-বঢ়াৰ দক্ষতা শিকিছিল। অমনে ভিডিঅ’টোত জনাইছে যে তেওঁ তিনিজন কৰ্মচাৰীৰ সৈতে কাম আৰম্ভ কৰিছিল।
ভিডিঅ’টো চোৱাৰ পিছত বহু ইউজাৰে মন্তব্য কৰে। বহুতে লিখিছে ''কোনো কাম সৰু বা ডাঙৰ নহয়। ধাবা ৰাণীয়ে বৰ কষ্ট কৰিছে, ৰাস্তাৰ দাঁতিত এনেকৈ কাম কৰাটো সহজ নহয়। ভগৱানে সাহসী ছোৱালীজনীক মংগল কৰক।''
Continue Reading
