ডিজিটেল ডেস্কঃ কেন্দ্ৰীয় গৃহমন্ত্ৰী অমিত শ্বাহে শুকুৰবাৰে শিলচৰৰ লাইটকোৰত থকা অসম ৰাইফলছৰ মুখ্য কাৰ্যালয় পৰিদৰ্শন কৰে। কেন্দ্ৰীয় গৃহমন্ত্ৰীয়ে অসম ৰাইফলছৰ মুখ্য কাৰ্যালয়ত থকা যুদ্ধ স্মৃতিসৌধত মাল্যাৰ্পণ কৰাৰ লগতে কৰ্তব্যৰত অৱস্থাত প্ৰাণ আহুতি দিয়া শ্বহীদসকলক শ্ৰদ্ধাঞ্জলি জ্ঞাপন কৰে।
অমিত শ্বাহে অসম ৰাইফলছৰ জোৱানসকলৰ মনোবলৰ প্ৰশংসা কৰি কয় যে আমাৰ দেশৰ সুৰক্ষাৰ বাবে অসম ৰাইফলছৰ সাহসী জোৱানসকলে যি ত্যাগ কৰিলে, সেয়া অতুলনীয় আৰু তেওঁলোকৰ ত্যাগৰ বাবে দেশ সদায় ঋণী হৈ থাকিব।
কালি কেন্দ্ৰীয় গৃহমন্ত্ৰীয়ে অসম ৰাইফলছৰ মুখ্য কাৰ্যালয়ৰ সঞ্চালকালয়ত চাইবাৰ নিৰাপত্তা অপাৰেচন চেণ্টাৰ উদ্বোধন কৰিছিল। এই কেন্দ্ৰই চাইবাৰ আক্ৰমণ প্ৰতিহত কৰিবলৈ বাহিনীটোক অধিক সক্ষম কৰি তুলিব।
Continue Reading
