স্বৰ্ণকমল বিজয়ী ৰীমা দাসৰ আগন্তুক ছবি তৰা'ছ হাছবেণ্ডৰ পষ্টাৰকৃষিপামত কৰা হ’ল মুকলি

ভিলেজ ৰকষ্টাৰ্চ আৰু বুলবুল কেন ছিং  বিশ্বখ্যাত  কথাছবি কেইখনৰ দৰে তৰা'ছ হাছবেণ্ড কথাছবিখনৰো কাহিনী-প্ৰযোজনা-পৰিচালনা- চিনেমাটোগ্ৰাফী-সম্পাদনা আদি ৰীমা দাসৰ । আজি অভিনেতা অভিজিৎ দাসৰ কৃষিপামতে অনুষ্ঠিত এক সংবাদ মেলৰ জৰিয়তে কথাছবিখনৰ অন্তৰ্নিহিত বিষয়বস্তু সম্পৰ্কত ৰীমা দাসে কয়-“লোকচান আৰু লকডাউন, জীৱন আৰু মৃত্যু, পৃথিৱীৰ সৰ্বত্ৰে ঘটাৰ দৰে অসমৰ এখন সৰু চহৰৰ এজন ব্যৱসায়ীয়েও অনিশ্চয়তা আৰু অস্থিৰতাৰ বেহুত পৰি যুঁজিবলগীয়া হৈছিল৷চৌপাশৰ মানুহবোৰৰ ব্যতিৰেকে বিশ্বজনীন দৃষ্টিভংগীৰে তৰাৰ গিৰিয়েক জানে নিজৰ শ্ৰেষ্ঠত্ব উজাৰি দিবলৈ আপ্ৰাণ চেষ্টা কৰিছে আৰু আনৰ পৰাও অনুৰূপ ভূমিকা আশা কৰিছে। কিন্তু তেওঁক বুজিবলৈ তৰাই বহু কষ্ট কৰিবলগীয়া হৈছে তেওঁৰ নিজৰ মনৰ ভিতৰৰ জগতখন আৰু বাহিৰৰ পৃথিৱীখনৰ মাজত চলা নিৰন্তৰ দ্বন্দ্বই তেওঁক আবেগিকভাৱে খুলি খুলি খাইছে।নিম্নমুখী হোৱা ব্যৱসায় আৰু ব্যক্তিগত সম্পৰ্কবোৰে বেয়ালৈ গতি কৰাৰ সময়তো নিজক প্ৰেৰণা দি তেওঁ যাত্ৰা অব্যাহত ৰখাৰ সংকল্প লৈছে।



ৰীমা দাসৰ ভিলেজ ৰকষ্টাৰ্চ আৰু বুলবুল কেন ছিং কথাছবি দুখনে ভাৰতবৰ্ষৰ লগতে বিশ্বৰ ১২০ খন মহোৎসৱত ৭০ টাকৈ বঁটাৰে সন্মানিত হোৱাৰ পাছত  তৰা'ছ হাছবেণ্ড কথাছবিখনেও ২০২২ বৰ্ষৰ পৰা এতিয়ালৈ ১৯ খন আন্তঃৰাষ্ট্ৰীয় মহোৎসৱলৈ নিৰ্বাচিত আৰু প্ৰদৰ্শিত হৈছে ।

মহোৎসৱসমূহৰ ভিতৰত আছে টৰণ্ট' (ৱৰ্ল্ড প্ৰিমিয়াৰ), বুচান (এচিয়ান প্ৰিমিয়াৰ),বেংকক(ৱৰ্ল্ড ফিল্ম ফেষ্টিভেল),হাইনান আইজলেণ্ড,অচাকা(জাপানীজ প্ৰিমিয়াৰ),পেৰু,ছিডনী,মেলবৰ্ণ আৰু ভাৰতৰ পুণে, কলকাতা, নতুন দিল্লী, মাংগালুৰু আন্তঃৰাষ্ট্ৰীয় কথাছবি মহোৎসৱ আদি ।