ডিজিটেল ডেস্কঃ সমাগত হিন্দু ধৰ্মাৱলম্বী লোকসকলৰ পবিত্ৰ উৎসৱ মহাশিৱৰাত্ৰি। মহাশিৱৰাত্ৰিৰ প্ৰাকক্ষণত তাজমহলত মহাশিৱৰাত্ৰি আয়োজনৰ অনুমতি বিচাৰি আগ্ৰাৰ হিন্দু ধৰ্মীয় সংগঠনে ন্যায়ালয়ত দাখিল কৰিছে আৱেদন।
যোগী যুৱ ব্ৰিগেড ধৰ্ম সুৰক্ষা ট্ৰাষ্টৰ তৰফৰপৰা আগ্ৰাৰ Civil Judge Senior Division আদালতত দাখিল কৰিছে আবেদন। দাখিল কৰা আবেদনখনত তাজমহলৰ মূল স্মৃতিসৌধতো দুগ্ধ অভিষেকৰ দাবী উত্থাপন কৰিছে সংগঠনটোয়ে।
আবেদন দাখিল কৰা হিন্দু সংগঠনটোৱে দাবী কৰিছে যে তাজমহলৰ মূল কীৰ্তিচিহ্নৰ তলৰ বেছমেণ্টত আছে এটা শিৱলিংগ। অহা ৮ মাৰ্চত মহাশিৱৰাত্ৰিৰ উৎসৱ। সোমবাৰে হিন্দু সংগঠনটোৱে তাজমহলত পূজা কৰিবলৈ আদালতৰ পৰা বিচাৰিছে অনুমতি।
সংগঠনটোৰ দাবী ‘তেজো মহালয়া শিৱ মন্দিৰ ভাঙি নিৰ্মাণ কৰা হৈছিল’ তাজমহল। যোগী যুৱ ব্ৰিগেড ধৰ্ম সুৰক্ষা ট্ৰাষ্টৰ ৰাজ্যিক সভাপতি কুঁৱৰ অজয় তোমৰে কয় যে তাজমহল থকা ঠাইত ৰজা পৰম দেৱে ১২১২ চনত শিৱলিংগ নিৰ্মাণ কৰিছিল। এই মন্দিৰৰ নাম আছিল তেজো মহালয়া। তেওঁলোকে কয় যে মোগলে তেজো মহালয়া শিৱ মন্দিৰ ভাঙি ইয়াত তাজমহল নিৰ্মাণ কৰিছিল।
হিন্দু পূজা বন্ধ কৰিবলৈ মোগল শাসকে তাজমহলত কৃত্ৰিম সমাধি নিৰ্মাণ কৰিছিল। তেওঁলোকে কয় যে ১৬৩১ চনত মমতাজৰ মৃত্যু হৈছিল, আৰু তেওঁক মধ্যপ্ৰদেশৰ বুৰহানপুৰৰ তাপ্তী নদীৰ পাৰত সমাধিস্থ কৰা হৈছিল। আনহাতে তাজমহল নিৰ্মাণৰ কাম আৰম্ভ হৈছিল ১৬৩২ চনত। গতিকে স্পষ্ট হৈ আছে এয়া কোনোমতেই মমতাজৰ সমাধি নহয়।
পিছে তাজমহল আৰু তেজো মহালয়াক লৈ দীৰ্ঘ সময়ৰ পৰা চলি থকা বিতৰ্কৰ পিছত এতিয়া হিন্দু সংগঠনে কৰা আবেদনৰ ভিত্তিত আদালতে মহাশিৱৰাত্ৰি আয়োজনৰ আবেদনক খাৰিজ কৰে নে অনুমতি প্ৰদান কৰে সেয়া সময়ত হ'ব লক্ষ্যণীয়।
Continue Reading
