ডিজিটেল ডেস্কঃ তাজমহলৰ বিষয়ে আদালতত উত্থাপন কৰা এখনি চৰ্চিত আবেদন খাৰিজ কৰিছে উচ্চতম ন্যায়ালয়ে৷ শুকুৰবাৰে ন্যায়ালয়ে আবেদনখনক পাব্লিচিটি ইণ্টাৰেষ্টৰ বাবে কৰা বুলি আখ্যা দিয়ে৷ আবেদনখনি তাজমহলৰ ইতিহাস সম্পৰ্কীয় আছিল৷ আবেদনখত তাজমহলত নোখোলাকৈ ৰখা ২২টাকৈ কোঠালিৰ সম্ভেদ বিচৰা হৈছিল৷
উল্লেখ্য যে ভাৰতীয় জনতা পাৰ্টিৰ অযোধ্যা শাখাৰ মিডিয়া-ইন-চাৰ্জ ৰাজনীশ সিঙে এলাহাবাদ উচ্চ ন্যায়ালয়ত উক্ত আবেদনখনি দাখিল কৰিছিল৷ যোৱা ১২ মে’ত এলাহাবাদ উচ্চ ন্যায়ালয়েও আবেদনখনি খাৰিজ কৰে৷ তাৰপাছতে বিষয়টো গৈ উচ্চতম ন্যায়ালয় পায়গৈ৷
ন্যায়াধীশ এম আৰ শ্বাহ আৰু এম এম চুন্দ্ৰেশৰ গঠিত এখন বিচাৰপীঠে আবেদনখনি খাৰিজ কৰিছে৷ আবেদনখনক পাব্লিচিটি ইন্টাৰেষ্টজনীত বুলি কৈ বিচাৰপীঠখনে কয় যে ইয়াক খাৰিজ কৰাত উচ্চতম ন্যায়ালয়ৰ কোনো ভ্ৰান্তি হোৱা নাই৷
উল্লেখ্য যে ভাৰত চৰকাৰৰ প্ৰত্নতত্ব বিভাগৰ দ্বাৰা সুৰক্ষিত তাজমহলক কেন্দ্ৰ কৰি যোৱা কিছুদিন ধৰি সোঁপন্থী হিন্দু সংগঠনসমূহে বিতৰ্কৰ সূত্ৰপাত কৰি আহিছে৷ তেওঁলোকে দাবী কৰে যে মোগলে তাজমহল নিৰ্মাণ কৰাৰ আগলৈকে উক্ত ঠাইখিনিত এটা শিৱ মন্দিৰ আছিল৷
Continue Reading
