দিল্লীৰ ২০খন বিদ্যালয়ত বোমাৰ ভাবুকি, তৎপৰতাৰে আৰক্ষী আৰু অগ্নিনিৰ্বাপক বাহিনী উপস্থিত

ডিজিটেল ডেস্ক: শুকুৰবাৰে পুৱাই দিল্লীৰ এখন বা দুখন নহয়, ২০খন কৈ বিদ্যালয়ে লাভ কৰিছে বোমাৰ ভাবুকি।

শুকুৰবাৰে পুৱতি নিশাই পশ্চিম বিহাৰৰ ৰিচমণ্ড গ্ল’বেল স্কুলত বোমা থকাৰ খবৰ পোৱা গৈছে। পুৱা ৪:৫৫ বজাত ই-মেইলযোগে তথ্য লাভ কৰাৰ লগে লগে স্থানীয় আৰক্ষীৰ লগতে বোমা নিষ্কাশন দল অগ্নিনিৰ্বাপক বাহিনীৰ লোক উপস্থিত হয়। তথ্য অনুযায়ী যোৱা ৩দিনৰ পৰা দিল্লীৰ বিদ্যালয় মহাবিদ্যালয় আদিত বোমাৰ আক্ৰমনৰ ভাবুকি ইমেইলৰ জৰিয়তে প্ৰেৰণ কৰি থকা গৈছিল।

দিল্লীৰ ৰিচমণ্ড গ্লোবেল স্কুলত বোমাৰ ভাবুকি লাভ কৰা পাছতে তালাচি অভিযান আৰম্ভ কৰি দিয়ে আৰু সম্পূৰ্ণ পৰীক্ষা কৰাই যদিও এতিয়ালৈকে বোমাৰ একো সুং সূত্ৰ পোৱা নাই । আৰু ইফালে সমান্তৰাল ভাৱে ৰোহিনী টিনত থকা "অভিনৱ চৰকাৰী স্কুল"কো বোমাৰে উৰুৱাৰ ভাবুকি ইতিমধ্যেই প্ৰদান কৰে ।

দুদিন পূৰ্বেই দিল্লী আৰক্ষীয়ে এক বিবৃতি জাৰি কৰি কৈছিল যে আজি পুৱা দ্বাৰকাৰ ছেইণ্ট থমাছ স্কুল, বসন্ত কুঞ্জৰ বসন্ত ভেলী স্কুল, হাউজ খাছৰ মাদাৰছ ইণ্টাৰনেশ্যনেল স্কুল, পশ্চিম বিহাৰৰ ৰিচমণ্ড গ্ল’বেল স্কুল আৰু লোডী এষ্টেটৰ চৰ্দাৰ পেটেল বিদ্যালয়ে ইমেইলযোগে বোমাৰ ভাবুকি লাভ কৰিছে। যোৱা তিনিদিনত প্ৰায় ১০খন বিদ্যালয় আৰু এখন মহাবিদ্যালয়ে নিৰন্তৰ এনেধৰণৰ ভাবুকিৰ সন্মুখীন হৈ আহিছে ।

এজন জ্যেষ্ঠ আৰক্ষী বিষয়াই জনাইছিল যে লোধি বাগিচাত অৱস্থিত চৰ্দাৰ পেটেল বিদ্যালয়েও ভাবুকিপূৰ্ণ ইমেইল লাভ কৰিছে। বিদ্যালয়খনত ভালদৰে তালাচী চলোৱা হৈছিল কিন্তু বুধবাৰে সন্ধিয়ালৈকে সন্দেহজনক একো পোৱা নগ’ল বুলি তেওঁ তথ্য ইতিমধ্যে জাৰী কৰে ।