ডিজিটেল ডেস্কঃ ভাৰতীয় দলটোৱে ৱেষ্ট ইণ্ডিজৰ বিৰুদ্ধে ৫ খন টি-২০ মেচ ধাৰাবাহিকভাৱে খেলিছে। এই শৃংখলাৰ প্ৰথম দুখন মেচত পৰাজয়ৰ সন্মুখীন হ’বলগীয়া হৈছিল টিম ইণ্ডিয়া। প্ৰথমখন খেলত ৱেষ্ট ইণ্ডিজে ভাৰতীয় দলক ৪ ৰাণত পৰাস্ত কৰে। আনহাতে এই শৃংখলাৰ দ্বিতীয়খন মেচত হাৰ্দিক পাণ্ডিয়াৰ নেতৃত্বত ভাৰতীয় দলটোৱে ২ উইকেটত পৰাজয়ৰ সন্মুখীন হ’বলগীয়া হৈছিল। অৱশ্যে ভাৰতীয় দলটোৰ ওপৰত অহৰহ প্ৰশ্ন উত্থাপন হৈ আছে। বিশেষকৈ ভাৰতীয় দলৰ বেটিঙৰ ওপৰত। ৱেষ্ট ইণ্ডিজৰ বিৰুদ্ধে টি-২০ ছিৰিজত নিৰাশ কৰিছে ভাৰতীয় বেটছমেনসকলে।
একে সময়তে ঈশান কিষাণ আৰু শুভমান গীলৰ অ’পেনিং যুটিয়ে ভাৰতীয় দলৰ বাবে ফ্লপ হিচাপে প্ৰমাণিত হৈছে। পৰিসংখ্যা অনুসৰি ঈশান কিষাণ আৰু শুভমন গীলৰ যুটিয়ে কেৱল ৱেষ্ট ইণ্ডিজৰ বিৰুদ্ধে টি-২০ ছিৰিজতে নহয়, সামগ্ৰিকভাৱে ফ্লপ হৈ পৰিছে। যদি আপুনি পৰিসংখ্যা চায় তেন্তে ভাৰতীয় দলৰ হৈ ৮ খন টি-২০ মেচত ঈশান কিষণ আৰু শুভমন গীলে অ’পেনাৰৰ ভূমিকা পালন কৰিছে। কিন্তু অভিলেখ বহুত বেছি বেয়া।
ভাৰতীয় দলৰ হৈ ঈশান কিষাণ আৰু শুভমন গীলে প্ৰথম ৩ খন খেলত অ’পেনাৰ হিচাপে ক্ৰমে ১৬, ৫ আৰু ৭ ৰান সংগ্ৰহ কৰে। আনহাতে ইয়াৰ পিছত পৰৱৰ্তী ৫খন মেচত ঈশান কিষাণ আৰু শুভমান গীলে ক্ৰমে ১৭, ১০, ৩, ১২ আৰু ২৭ ৰান অ’পেনাৰ হিচাপে ভাগ কৰে। এইদৰে ভাৰতীয় দলৰ হৈ অ’পেনাৰ হিচাপে ঈশান কিষাণ আৰু শুবমান গীলে ৮ খন টি-২০ মেচত মাত্ৰ ৯৭ ৰান সংযোজন কৰিছে। অৱশ্যে ভাৰতীয় দল পৰিচালনাৰ বাবে ঈশান কিষাণ আৰু শুভমন গীলৰ উদ্বোধনী যুটি ভাৰতীয় দলৰ বাবে চিন্তাৰ কাৰণ হৈ আছে। অৱশ্যে তৃতীয়খন টি-২০ মেচত ঈশান কিষাণ আৰু শুভমন গীলৰ যুটিয়ে অ’পেন কৰে নে যশস্বী জয়ছোৱালে সেই স্থান লয় সেয়া ভৱিষ্যত সময়ত হ’ব লক্ষণীয়৷
Continue Reading
