ডিজিটেল ডেস্কঃ টি২০ বিশ্বকাপৰ বাবে ৰোহিত শৰ্মাৰ নেতৃত্বত ভাৰতীয় দলটো আমেৰিকালৈ ৰাওনা হৈছে। প্ৰশিক্ষক ৰাহুল দ্ৰাবিড়ৰ লগতে বাকী সহযোগী কৰ্মচাৰীসকলো গৈছে। অৱশ্যে বিশ্বকাপ দলৰ ১৫ গৰাকী খেলুৱৈৰ আটাইকেইজন খেলুৱৈ গুচি গৈছে নে নাই সেয়া এতিয়াও জানিব পৰা হোৱা নাই। বিৰাট কোহলী আৰু হাৰ্দিক পাণ্ডিয়াক দেখা পোৱা নগ’ল।
দেওবাৰে অনুষ্ঠিত হ’ব আই পি এলৰ ফাইনেল। কিন্তু টি-২০ বিশ্বকাপৰ দলত ভাৰতীয় ক্ৰিকেটাৰ নাই। ৰিজাৰ্ভ দলত থকা ৰিংকু সিঙে আই পি এলৰ ফাইনেল খেলিব। শনিবাৰে বিমানবন্দৰত দেখা গ’ল ভাৰতীয় দলৰ সদস্যক। তাত ৰোহিত, দ্ৰাবিড়ৰ বাহিৰেও যশপ্ৰীত বুমৰাহ, সূৰ্যকুমাৰ যাদৱ, কুলদীপ যাদৱ, ঋষভ পন্ত, ৰবীন্দ্ৰ জাদেজা, শিৱম ডুবে, মহম্মদ চিৰাজ, অক্ষৰ পেটেল, অৰ্শ্বদীপ সিং আদি ক্ৰিকেটাৰ দেখা গৈছিল।
২ জুনৰ পৰা আৰম্ভ হ’ব টি-২০ বিশ্বকাপ। তাৰ আগতে ভাৰতে আমেৰিকাত ৱাৰ্ম আপ মেচ খেলিব। ৫ জুনত ৰোহিতৰ প্ৰথমখন খেল। ভাৰতে আয়াৰলেণ্ডৰ বিৰুদ্ধে খেলিব। ৯ জুনত পাকিস্তানৰ বিৰুদ্ধে ৰোহিতৰ এখন মেচ আছে। ইয়াৰ উপৰিও গ্ৰুপ পৰ্যায়ত ভাৰতে আমেৰিকা আৰু কানাডাৰ বিৰুদ্ধেও খেলিব।
Continue Reading
