ডিজিটেল ডেসক্ঃ ১০ নৱেম্বৰৰ পৰা আৰম্ভ হৈছিল শাস্তি। সেই শাস্তি শেষ। ক্ৰিকেটৰ সৰ্বোচ্চ শাসকীয় সংস্থাই প্ৰত্যাহাৰ কৰিছে শ্ৰীলংকা ক্ৰিকেট ব’ৰ্ডক আইচিচিয়ে প্ৰদান কৰা শাস্তি। ফলত টি-২০ বিশ্বকাপৰ পূর্বে ভাৰতৰ চুবুৰীয়া দেশসমূহত এটা ভাল খবৰ৷
শ্ৰীলংকা ক্ৰিকেট ব’ৰ্ডত তৃতীয় পক্ষৰ হস্তক্ষেপৰ অভিযোগত নৱেম্বৰ মাহত আইচিচিয়ে নিলম্বন কৰিছিল। ফলত শ্ৰীলংকাত অনুষ্ঠিত হোৱা ১৯ বছৰ অনুৰ্ধ বিশ্বকাপ দক্ষিণ আফ্ৰিকালৈ স্থানান্তৰিত হয়। শ্ৰীলংকা ক্ৰিকেট ব’ৰ্ডে এই শাস্তিৰ বিৰুদ্ধে আইচিচিৰ ওচৰত বাৰে বাৰে আবেদন জনাইছিল। অৱশেষত আইচিচিয়ে তেওঁলোকৰ আবেদন শুনানি গ্ৰহণ কৰে।
আইচিচিৰ মুখ্য কাৰ্যবাহী বিষয়া জেফ এলাৰ্ডাইছে এই মাহতে শ্ৰীলংকা ক্ৰিকেট ব’ৰ্ডৰ সভাপতি ৰানিল উইক্ৰেমসিংহ আৰু ক্ৰীড়া মন্ত্ৰী হৰিন ফাৰ্নাণ্ডোক সাক্ষাৎ কৰে। সেই বৈঠকতে সমস্যাটো সমাধানৰ প্ৰথম আভাস পোৱা গৈছিল। শ্ৰীলংকা ক্ৰিকেট ব’ৰ্ডে আশাবাদী আছিল যে আইচিচিয়ে এই শাস্তি প্ৰত্যাহাৰ কৰিব। সেইটোৱেই হ’ল।
এক বিবৃতিত আইচিচিয়ে কয় যে শ্ৰীলংকা ক্ৰিকেট ব’ৰ্ডত চৰকাৰী আৰু তৃতীয় পক্ষৰ হস্তক্ষেপৰ বাবে নৱেম্বৰ মাহত শাস্তি প্ৰদান কৰা হৈছিল। তাৰ পিছৰে পৰা ব’ৰ্ডখন আইচিচিৰ দ্বাৰা নিৰীক্ষণ কৰা হৈছে। এতিয়া ব’ৰ্ডৰ কামত কোনো তৃতীয় পক্ষৰ হস্তক্ষেপ নাই। এই শাস্তি প্ৰত্যাহাৰ কৰি আনন্দিত হৈ পৰিছে আই চি চি।
Continue Reading
