‘ট্ৰিপল ভেছেল ডিজিজ’ হৃদযন্ত্ৰৰ লগত জড়িত অতি ভয়াৱহ ৰোগ, ইয়াৰ পৰা হাত সাৰিবলৈ সহজ উপায় জানি লওক

ডিজিটেল ডেস্ক : ভাৰতত হৃদৰোগ অতি সাধাৰণ হৈ পৰিছে, ইয়াৰ কাৰণ হ’ল অস্বাস্থ্যকৰ জীৱনশৈলী আৰু তেলীয়া খাদ্য। এনেধৰণৰ জীৱন-যাপনৰ বাবে হাৰ্টএটেকৰ সম্ভাৱনা যথেষ্ট বৃদ্ধি পায়, যিয়ে ‘ট্ৰিপল ভেছেল ডিজিজ’ৰো জন্ম দিব পাৰে। সেইবাবেই সকলোৱে সময় থাকোতেই সজাগ হোৱাৰ প্ৰয়োজন।

 হাৰ্ট এটেক কিয় হয়?

হৃদযন্ত্ৰ মানুহৰ শৰীৰৰ এক অতি গুৰুত্বপূৰ্ণ অংগ, ইয়াৰ যোগেদি সমগ্ৰ শৰীৰত তেজৰ যোগান ধৰা হয়। হৃদযন্ত্ৰলৈ তেজৰ প্ৰত্যাৱৰ্তন ধমনীৰ যোগেদি হয়। বহু সময়ত তেজত কলেষ্টেৰল বৃদ্ধিৰ বাবে ইয়াত চৰ্বি জমা হ’বলৈ আৰম্ভ কৰে আৰু ধমনীবোৰ বন্ধ হৈ পৰে। ইয়াক ‘ক’ৰ’নাৰী ধমনী ৰোগ’ বুলি কোৱা হয়। কাৰণ ইয়াৰ ফলত হাৰ্টএটেকৰ সম্ভাৱনা বহুগুণে বৃদ্ধি পায়।

 ‘ট্ৰিপল ভেছেল ডিজিজ’ কি?

চিকিৎসা বিশেষজ্ঞসকলৰ মতে এয়া ‘ক’ৰ’নাৰী আৰ্টেৰী ডিজিজ’ৰ এক অতি বিপজ্জনক ৰূপ। ৩খন প্ৰধান ধমনীই হৃদযন্ত্ৰলৈ তেজ প্ৰেৰণৰ কাম কৰে আৰু যেতিয়া এই তিনিওটা ধমনী বন্ধ হৈ যায় তেতিয়া ইয়াক ‘ট্ৰিপল ভেছেল ডিজিজ’ বুলি জনা যায়। ইয়াৰ কাৰণে বুকুৰ বিষ হয়, উশাহ-নিশাহ লোৱাত কষ্ট হয়, যাৰ ফলত হাৰ্টএটেক হয়।

 এঞ্জিঅ’প্লাষ্টি কি?

ট্ৰিপল ভেছেল ডিজিজৰ চিকিৎসা এঞ্জিঅ’প্লাষ্টিৰ দ্বাৰা কৰা হয়, যিটো হৃদযন্ত্ৰৰ অস্ত্ৰোপচাৰ, যাক বেলুন এঞ্জিঅ’প্লাষ্টি আৰু পাৰ্কিউটেনিয়াছ ট্ৰেন্সলুমিনেল এঞ্জিওপ্লাষ্টি (PTA) বুলিও কোৱা হয়। ইয়াত ধমনীবোৰৰ মাজেৰে তেজৰ যোগান শুধৰোৱা হয়।

 'ট্ৰিপল ভেছেল ডিজিজ'ৰ পৰা হাত সাৰিব উপায়-

* তেলীয়া খাদ্য কমকৈ খাব

* স্বাস্থ্যসন্মত খাদ্য গ্ৰহণ কৰক

* বৰ্ধিত ওজন হ্ৰাস কৰিব

* নিয়মিত ব্যায়াম কৰক

* ৰক্তচাপ নিয়ন্ত্ৰণত ৰাখক

* নিচাযুক্ত দ্ৰব্য সেৱনৰ পৰা বিৰত থাকক

* তেজত ছুগাৰৰ মাত্ৰা নিয়ন্ত্ৰণ কৰা

* টেনচন দূৰ কৰা