'ট'মেট' ফ্লু'ত আক্ৰান্ত দেশৰ ১০০টা শিশু; চাওক লক্ষণসমূহ...

 ডিজিটেল ডেস্ক : কৰ’নাৰ পাছৰে পৰা বিভিন্ন ভাইৰাছে ইতিমধ্যে বিশ্ববাসীক আশ্বস্ত কৰি তোলাৰ মাজতে এইবাৰ বিশেষ সতৰ্কতাৰ প্ৰয়োজনীতা আহি পৰিছে শিশুসকলৰ প্ৰতি৷ দক্ষিণ ভাৰতত ভাইৰেল জ্বৰ 'ট'মেট' ফ্লু'ত প্ৰায় ১০০টা শিশু প্ৰভাৱিত হোৱাৰ তথ্য পোৱা গৈছে। কেৰালাত ৮০জন প্ৰভাৱিত হোৱাৰ লগতে সংক্ৰমণৰ শংকাত সমগ্ৰ তামিলনাডুত কঠোৰ সতৰ্কতা গ্ৰহণ কৰা হৈছে।

সংক্ৰামক ৰোগ মাংকিপক্সক লৈ উদ্বিগ্নতা বৃদ্ধি হৈ থকাৰ ৰহস্যজনকভাৱে 'ট'মেট ফ্লু'য়ে শংকা বৃদ্ধি কৰিছে। দক্ষিণ ভাৰতৰ শ শ শিশু এই জ্বৰত ভুগি আছে। কেৰালাত ইতিমধ্যে এই ৰহস্যজনক জ্বৰৰ ফলত কমেও ৮০টা শিশু আক্ৰান্ত হৈছে। উৰিষ্যাত ২৬টা শিশু আক্ৰান্ত হৈছে।

এই ট'মেট' ফ্লু কি?  

ই এক ভাইৰেল ৰোগ। হাতৰ তলুৱা আৰু ভৰিত ফোঁহা ৰঙা ৰঙৰ দাগ দেখা যায়। ৰঙা ৰঙৰ ফোঁহাবোৰ বিলাহীৰ দৰে দেখা যায়, সেয়েহে ইয়াৰ নাম বিলাহী বা ট'মেট ফ্লু ।

কি লক্ষণে দেখা দিয়ে?

জ্বৰ, চৰ্দি আৰু কাহ, নাক ওলোৱা, বমি, পেটৰ বিষ, ডায়েৰিয়া আদি হৈছে এই ৰোগৰ লক্ষণ। লগতে, ডিঙি, মুখ আৰু জিভাত ঘা হয়, জ্বলা-পোৰা হয়। খোৱাটো কঠিন।

মাইক্ৰ'বায়োলজিষ্ট সৌগত ঘোষে কয় যে ই এজন ব্যক্তিৰ পৰা আন এজনলৈ বিয়পে। কিয়নো শিশুৰ ৰোগ প্ৰতিৰোধ ক্ষমতা যথেষ্ট কম। চিকিৎসকসকলে কয় যে সংক্ৰমণ মুখ্যতঃ ৫ বছৰৰ তলৰ শিশুৰ ক্ষেত্ৰত দেখা যায়। ট'মেট' ফ্লুৰ লক্ষণবোৰ ৩ৰ পৰা ৫দিন থাকে। চিকিৎসালয়ত ভৰ্তি হোৱাৰ প্ৰয়োজন খুব কম। ৰোগটোৰ নাম মুখ্যতঃ ভাইৰাছ বা বেক্টেৰিয়াৰ নামৰ ওপৰত আধাৰিত। অৱশ্যে, চিকিৎসকে কয় যে অতিৰিক্ত হ'লে বিলাহী ফ্লু প্ৰায়ে মাৰাত্মক হ'ব পাৰে।