ডিজিটেল ডেস্কঃ টোপনিৰ অভাৱৰ বাবে এজন ব্যক্তি বহু বিপদজনক ৰোগৰ বলি হ’ব পাৰে। যদি আপোনাৰো পৰ্যাপ্ত টোপনি নোপোৱাৰ দৰে সমস্যা আছে, তেন্তে নিশ্চিতভাৱে আপোনাৰ প্লেটত পৰিবেশন কৰা বস্তুবোৰ চাওক, কাৰণ খাদ্য আৰু পানীয়ই আপোনাৰ টোপনিৰ ওপৰত ডাঙৰ প্ৰভাৱ পেলায়। সেইবাবেই খাদ্যাভ্যাসৰ প্ৰতি গুৰুত্ব দিয়াটো অতি প্ৰয়োজনীয়।
সুস্বাস্থ্যৰ বাবে টোপনি অতি প্ৰয়োজনীয়
টোপনিৰ লগত সুস্বাস্থ্যৰ ওতঃপ্ৰোত সম্পৰ্ক। টোপনিৰ অভাৱত(Insomnia) ব্যক্তি বহু বিপদজনক ৰোগৰ বলি হ’ব পাৰে। ইয়াৰ ভিতৰত হৃদৰোগ, ৰোগ প্ৰতিৰোধ ক্ষমতা দুৰ্বল, স্তন কেন্সাৰৰ আশংকা, হতাশা আদি সমস্যা অন্তৰ্ভূক্ত। সেইবাবেই শোৱাৰ আগতে অস্বাস্থ্যকৰ বস্তু খোৱাটো পৰিহাৰ কৰিব লাগে।
ৰাতি এইবোৰ নাখাব
১/ কেফেইনযুক্ত পানীয়ঃ ৰাতিৰ আহাৰ খোৱাৰ সময়ত পিঁয়াজ বা টমেটো আদি বস্তুৰ লগতে মদ আৰু কেফেইনৰ পৰিমাণ নিৰীক্ষণ কৰাটো প্ৰয়োজনীয়। আপুনি এইটোও মনত ৰাখিব লাগে যে টোপনিৰ ধৰণত প্ৰভাৱ পেলোৱা কেফেইন বহু ধৰণৰ খাদ্য আৰু পানীয়ত পোৱা যায়। চাহ, কফি আৰু বিভিন্ন শীতল পানীয়ত কেফেইন পোৱা যায়। চকলেট আৰু বিষনাশক ঔষধতো ইয়াক পোৱা যায়। গতিকে ৰাতি শোৱাৰ আগতে এইবিলাক সেৱনৰ পৰা বিৰত থাকিব লাগে।
২/ বিলাহীঃ আপুনি জানেনে যে শোৱাৰ আগতে বিলাহী খোৱাটোও আপোনাৰ টোপনিৰ বাবে ভাল নহয়। কাৰণ বিলাহীয়ে এচিড ৰিফ্লাক্স সৃষ্টি কৰি হজম সমস্যা বৃদ্ধি কৰিব পাৰে। এক প্ৰতিবেদন অনুসৰি ৰাতি বিলাহী সেৱন কৰিলে অস্থিৰতা বৃদ্ধি পাব পাৰে আৰু তাৰ পিছত আপুনি পৰ্যাপ্ত আৰু জিৰণিদায়ক টোপনি পোৱাৰ সম্ভাৱনা কম।
৩/ পিঁয়াজঃ বিলাহীৰ বাহিৰেও পিঁয়াজ এনেকুৱা এটা বস্তু, যিয়ে আপোনাৰ পাচনতন্ত্ৰৰ লগত খেলা কৰিব পাৰে। পিঁয়াজে পেটত গেছ তৈয়াৰ কৰাৰ কাম কৰে। এই গেছে আপোনাৰ পেটৰ চাপত প্ৰভাৱ পেলায়, যাৰ ফলত এচিড ডিঙিৰ ফালে ওপৰলৈ যায়। বিশেষকৈ যেতিয়া আপুনি পোনে পোনে শুই থাকে। আশ্চৰ্যজনক কথাটো হ'ল কেঁচা বা সিজোৱা পিয়াঁজ দুয়োটাই এনে সমস্যাৰ সৃষ্টি কৰিব পাৰে।সেয়েহে ৰাতি যিমান পাৰি পিয়াঁজ খোৱাৰ পৰা বিৰত থাকিব লাগে।
কিমান ঘন্টা টোপনিৰ প্ৰয়োজন?
যেতিয়া টোপনি সম্পূৰ্ণ নহয়, মগজুৰ কাৰ্য্যৰ লগতে শৰীৰতো ইয়াৰ প্ৰভাৱ পৰিব পাৰে। দিনটোত ৭ ঘন্টাতকৈ কম শোৱাসকলৰ ওজন নিয়ন্ত্ৰণ নাথাকে আৰু স্বাভাৱিক লোকৰ তুলনাত মেদবহুলতাৰ প্ৰৱণতা থাকে।
Continue Reading
