ডিজিটেল ডেস্কঃ বক্স অফিচত দেশৰ লগতে বহিঃৰাজ্যৰ অন্যতম সফল ভাৰতীয় ছবি হিচাপে পৰিগণিত হৈছে ধূৰন্ধৰ। মধ্যপ্ৰাচ্য আৰু পাকিস্তানত মুক্তি নোপোৱাৰ পিছতো ছবিখনে বহিঃৰাজ্যত ৩৩ মিলিয়ন ডলাৰৰ ওপৰত উপাৰ্জন কৰিবলৈ সক্ষম হয়।
বিশ্বজুৰি নেটফ্লিক্সত মুক্তি লাভ কৰাৰ কিছুদিন পিছতেই পাকিস্তানত ১ নং স্থানত ট্ৰেণ্ড লাভ কৰিবলৈ সক্ষম হয় ধুৰন্ধৰে। মুক্তি লাভৰ পিছতেই পাকিস্তানৰ দৰ্শক সকলে ছবিখনৰ বিতৰ্ক সমূহৰ বিষয়ে সবিশেষ জানিবলৈ ইচ্ছুক হৈ পৰে ।
পাকিস্তানৰ নেটফ্লিক্সত ছবিখনে ১ নং ট্ৰেণ্ডিং কৰা স্ক্ৰীণশ্বট সপ্তাহৰ শেষৰ ফালে ছ’চিয়েল মিডিয়াত প্ৰকাশ পাইছিল । ধুৰন্ধৰে ছবিগৃহত মুক্তিৰ আঠ সপ্তাহৰ পাছত ৩০ জানুৱাৰী অৰ্থাৎ শুকুৰবাৰে ডিজিটেল মুক্তি লাভ কৰে।
ধুৰন্ধৰ ছবিখন হৈছে এখন ডিটেক্টিভ থ্ৰিলাৰ ছবি । য’ত অভিনেতা ৰণবীৰ সিঙে পাকিস্তানৰ লিয়াৰীৰ গেঙত অনুপ্ৰৱেশ কৰা ভাৰতীয় চোৰাংচোৱাৰ চৰিত্ৰত অভিনয় কৰিছে। ইয়াত বাস্তৱ কাণ্ডৰ মিশ্ৰণ ঘটিছে আৰু ভাৰতৰ সন্ত্ৰাসবাদৰ বিৰুদ্ধে যুদ্ধৰ কাল্পনিক আখ্যানৰ সৈতে বাস্তৱ জীৱনৰ লোকক ব্যৱহাৰ কৰা হৈছে। বিগত কেইবছৰমানৰ পৰা ভাৰতীয় ছবিক পাকিস্তানত ভ্ৰাম্যমাণ ৰূপত মুক্তিৰ অনুমতি নিদিয়াত তাত ছবিখনে মুক্তি লাভ নকৰিলে।
কিন্তু এতিয়া তাত নেটফ্লিক্সত মুক্তি পোৱাৰ পিছত ই যথেষ্ট হুলস্থুলৰ সৃষ্টি কৰিছে, বেছিভাগ দৰ্শকৰ মন্তব্য অতি ইতিবাচক।
ধৃৰন্ধৰে বিশ্বজুৰি ১৩০০ কোটি টকা উপাৰ্জন কৰি এতিয়ালৈকে দ্বিতীয় সৰ্বাধিক উপাৰ্জন কৰা বলীউড ছবি হিচাপে পৰিগণিত হৈছে। ৰনবীৰ সিঙৰ লগতে ছবিখনত অভিনয় কৰিছে অক্ষয় খান্না, আৰ মাধৱন, সঞ্জয় দত্ত, আৰু অৰ্জুন ৰামপালে।
Continue Reading
