ডিজিটেল ডেস্কঃ নিউজিলেণ্ডৰ তাৰকা ক্ৰিকেটাৰ কেন উইলিয়ামছন তৃতীয়বাৰৰ বাবে পিতৃ হৈছে। তেওঁৰ পত্নী চাৰাই এটি কন্যা সন্তানৰ জন্ম দিছে। উইলিয়ামছনে সামাজিক মাধ্যমৰ জৰিয়তে অনুৰাগীসকলক এই ভাল খবৰটো দিছিল। তেওঁ পত্নী আৰু নৱজাতক কন্যাৰ সৈতে ফটোও শ্বেয়াৰ কৰিছে। উইলিয়ামছনৰ পূৰ্বৰে পৰা দুটি সন্তান আছে। তেওঁৰ কন্যাৰ বয়স প্ৰায় তিনি বছৰ আৰু পুত্ৰৰ বয়স প্ৰায় এবছৰ। এতিয়া তেওঁৰ পত্নীয়ে আন এজনী কন্যা সন্তান জন্ম দিছে। শেহতীয়াকৈ, বিৰাট কোহলীও দ্বিতীয়বাৰৰ বাবে পিতৃ হৈছে। বিৰাটৰ পত্নী অনুষ্কা শৰ্মাই এটি পুত্ৰ সন্তান জন্ম দিছিল।
View this post on Instagram
কন্যা সন্তান জন্ম হোৱাৰ পিছতে উইলিয়ামছনে ইনষ্টাগ্ৰামত এখন ফটো শ্বেয়াৰ কৰিছে। ছবিত তেওঁক তেওঁৰ পত্নী আৰু কন্যাৰ সৈতে দেখা যায়। উইলিয়ামছনে শিৰোনামটোত লিখিছে, "এই পৃথিৱীলৈ স্বাগতম ধুনীয়া ছোৱালী। তোমাৰ সুৰক্ষিত আগমন আৰু আগন্তুক যাত্ৰাৰ বাবে তোমাক ধন্যবাদ," । সহযোগী খেলুৱৈসকলৰ লগতে অনুৰাগীসকলেও তেওঁলোকক অভিনন্দন জনাইছে। উইলিয়ামছন কিছুদিন ধৰি ছুটীত আছে। তেওঁ পত্নী চাৰাক সম্পূৰ্ণ সময় দি আছে।
Continue Reading
