ডিজিটেল ডেস্কঃ আগন্তুক টি-২০ বিশ্বকাপৰ টিকট বিক্ৰী এতিয়াও আৰম্ভ হোৱা নাই। কিন্তু এতিয়াৰ পৰা আয়োজকসকলে টিকটৰ চাহিদাৰ সৈতে মোকাবিলা কৰিব লগা হৈছে আয়োজক। মাত্ৰ বিশেষ এখন মেচৰ বাবে মানুহৰ বিপুল আগ্ৰহ দেখি আচৰিত হৈছে আমেৰিকাৰ আয়োজকসকল।
টি-২০ বিশ্বকাপত ক্ৰিকেটপ্ৰেমীৰ আগ্ৰহ ভাৰত-পাকিস্তানৰ মেচক লৈ। অহা ৯ জুনত অনুষ্ঠিত হ’বলগীয়া এই খেলখনৰ টিকটৰ চাহিদা চম্ভালিব পৰা নাই আয়োজকসকলে। আন্তৰ্জাতিক ক্ৰিকেট পৰিষদৰ দাবী, এতিয়া ষ্টেডিয়ামত দৰ্শকৰ সংখ্যা ২০০ গুণতকৈও অধিক টিকটৰ চাহিদা!
ভাৰত-পাকিস্তানৰ খেলখনৰ বাবে নিৰ্মাণ কৰা হৈছে নাছাউ কাউন্টি আন্তঃৰাষ্ট্ৰীয় ক্ৰিকেট ষ্টেডিয়াম। এই অস্থায়ী ষ্টেডিয়ামত ৩৪ হাজাৰ দৰ্শক থকাৰ কথা।
ৱেষ্ট ইণ্ডিজ আৰু আমেৰিকাই যৌথভাৱে আয়োজন কৰিব টি-২০ বিশ্বকাপ। এই প্ৰতিযোগিতাৰ ১৬খন মেচ আমেৰিকাত অনুষ্ঠিত হ’ব। এইবাৰ আমেৰিকাত এনে বৃহৎ পৰিসৰৰ ক্ৰিকেট প্ৰতিযোগিতা অনুষ্ঠিত হ’ব। সেই দেশত ভাৰত আৰু পাকিস্তানৰ বহু লোক বাস কৰে।
Continue Reading
