তুলসীৰ এই প্ৰতিকাৰে দৰিদ্ৰতা নোহোৱা কৰাৰ লগতে ভাগ্যৰ দুৱাৰ মুকলি কৰে…

ডিজিটেল ডেস্ক : তুলসী গছ বৈজ্ঞানিক তথা ধৰ্মীয় দুয়োটা দিশৰ পৰাই সমানে গুৰুত্ব আছে, সেয়েহে হিন্দুধৰ্মত এই উদ্ভিদক অতি পৱিত্ৰ বুলি গণ্য কৰা হয়। তুলসী গছত পুৱা-গধূলি পানী আগবঢ়োৱাৰ লগতে চাকি জ্বলালে ভাগ্যৰ দুৱাৰ মুকলি হয় বুলি বিশ্বাস কৰা হয়, কাৰণ শ্ৰীহৰি বিষ্ণু আৰু মালক্ষ্মী তুলসী গছত বাস কৰে। সেয়েহে ঘৰত তুলসী গছ ৰোপণ কৰিলে নেতিবাচক শক্তি দূৰ হৈ সুখ-সমৃদ্ধি আৰু আৰ্থিক স্থিতি মজবুত হয়, কেনেকৈ জানো আহক।

 * আৰ্থিক বাধা দূৰ কৰিবলৈ সন্ধিয়া তুলসীৰ তলত আটাৰে তৈয়াৰী ঘিউৰ চাকি জ্বলাই তাত এচিকুট হালধি দিয়ক। মনত ৰাখিব যে চাকিটো উত্তৰ দিশে দিব লাগে।

 * তুলসীৰ তলত পূজা কৰাৰ সময়ত ‘ওম নমঃ ভগৱতে বাসুদেৱ’ নাম জপ কৰক। তুলসীৰ তলত দৈনিক ১০৮বাৰ এই মন্ত্ৰ জপ কৰক। জপ কৰাৰ সময়ত ভগৱান বিষ্ণু আৰু মালক্ষ্মীৰ সন্মুখত নিজৰ সমস্যাৰ কথা ব্যক্ত কৰক, এনে কৰিলে বিভিন্ন ধৰণৰ সমস্যাৰ পৰা পৰিত্ৰাণ লাভ কৰে।

 * যদি দুৰ্ভাগ্যই আপোনাৰ লগ এৰা নাই, তেন্তে দৈনিক তুলসীৰ তলত গুড় আগবঢ়াওক, কাৰণ ভগৱান বিষ্ণুৱে গুড় বহুত ভাল পায়। এনে অৱস্থাত একাদশীৰ দিনা তুলসী গছত গুড় আগবঢ়ালে ভাগ্যই আপোনাক সমৰ্থন কৰিবলৈ আৰম্ভ কৰে।

 * তুলসী গছৰ পাত আৰু শিপাৰ গুৰুত্ব অতি বেছি। ভগৱান শালগ্ৰাম এই গছৰ শিপাতে বাস কৰে বুলি বিশ্বাস কৰা হয়। সেয়েহে দৈনিক তুলসীৰ শিপাত পানী আগবঢ়ালে আৰ্থিক সমস্যাৰ পৰা পৰিত্ৰাণৰ লগতে ভাগ্যই আপোনাক লগ দিয়ে।

 * দেওবাৰ, বুধবাৰ আৰু একাদশীত তুলসী গছ স্পৰ্শ কৰিব নালাগে। একে সময়তে লেম্প জ্বলাই থাকোঁতে তুলসী স্পৰ্শ কৰিব নালাগে। আনহাতে, আটাৰে তৈয়াৰী চাকিটো দ্বিতীয় দিনা গৰুক খুৱাব লাগে।