ডিজিটেল ডেস্কঃ এক চাঞ্চল্যকৰ আত্মহত্যাই জোকাৰিছে উত্তৰ প্ৰদেশ৷ উত্তৰ প্ৰদেশৰ বদৌনত এজন কনিষ্ঠ দেৱানী দণ্ডাধীশে আত্মহত্যা কৰে বুলি শনিবাৰে আৰক্ষীয়ে প্ৰকাশ কৰে।জ্যোৎস্না ৰায় নামৰ ২৭ বছৰীয়া দণ্ডাধীশগৰাকীৰ মৃতদেহ ঘৰৰ ভিতৰত চিলিং ফেনত ওলমি থকা অৱস্থাত উদ্ধাৰ হয়।
পুৱা ১০ বজাৰ ভিতৰত জ্যোৎস্না আদালতত উপস্থিত নোহোৱাত এই ঘটনা পোহৰলৈ আহে, যাৰ বাবে তেওঁৰ সতীৰ্থসকলে তেওঁৰ সৈতে যোগাযোগ কৰিবলৈ বাধ্য হয়। ফোন কলবোৰৰ উত্তৰ নোহোৱাৰ লগে লগে উদ্বিগ্ন সহকৰ্মীসকলে জাজ কলনীত থকা থকা ঘৰলৈ গৈ জ্যোৎস্নাৰ শোৱা কোঠাৰ ভিতৰৰ পৰা তলা লগোৱা দেখে। ইয়াৰ পাছতে আৰক্ষীক ফোন কৰা হয়।দুৱাৰ ভাঙি খোলাৰ লগে লগে আৰক্ষীয়ে চিলিং ফেনত ওলমি থকা কনিষ্ঠ দেৱানী ন্যায়াধীশগৰাকীৰ মৃতদেহটো আৱিষ্কাৰ কৰে।
বুদৌনৰ জ্যেষ্ঠ আৰক্ষী অধীক্ষক আলোক প্ৰিয়াদৰ্শীয়ে জনোৱা মতে, তেওঁৰ কোঠাৰ পৰা এখন চুইচাইড নোটৰ লগতে অন্যান্য নথি-পত্ৰ উদ্ধাৰ কৰা হৈছে।বৰ্তমান মাউ জিলাৰ পৰা অহা জ্যোৎস্না ৰায়ক যোৱা বছৰৰ এপ্ৰিল মাহত বদৌনত দেৱানী ন্যায়াধীশ (জুনিয়ৰ বিভাগ) হিচাপে নিযুক্তি দিয়া হৈছিল। ইয়াৰ আগতে তেওঁ অযোধ্যাত ন্যায়িক দণ্ডাধীশ হিচাপে কাৰ্যনিৰ্বাহ কৰি আছিল।
Continue Reading
