ডিজিটেল ডেস্কঃ ব্ৰাজিলৰ মহান ফুটবলাৰ পেলেৰ দেহাৱসান। এই খবৰে শোকত ম্ৰিয়মান কৰি তুলিছে বিশ্ববাসীক। ৮২ বছৰ বয়সত শেষ নিশ্বাস ত্যাগ কৰে ফুটবলৰ সম্ৰাটগৰাকীয়ে। কলন কেন্সাৰ ৰোগৰ সৈতে যুঁজ দি আছিল ফুটবল খেলুৱৈগৰাকীয়ে। ১৯৪০ চনৰ ২৩ অক্টোবৰত ব্ৰাজিলৰ মিনছ গেৰেছ ৰাজ্যত জন্মগ্ৰহণ কৰিছিল পেলেই। পিতৃৰ পৰা ফুটবলৰ শিক্ষা গ্ৰহণ কৰিছিল পেলেই। পেলেই তিনিবাৰকৈ বিশ্বজয় কৰিবলৈ সক্ষম হৈছিল। এইগৰাকী মহান খেলুৱৈৰ জীৱনৰ ৮টা ডাঙৰ কথা জানো আহক।
১) পেলে তিনিবাৰ বিশ্বকাপ জয় কৰা একমাত্ৰ খেলুৱৈ, যিয়ে ১৯৫৮, ১৯৬২ আৰু ১৯৭০ চনত বিশ্বকাপ জয় কৰিছিল।
২) ১৭ বছৰ বয়সত তেওঁ বিশ্বকাপ জয় কৰা আটাইতকৈ কম বয়সীয়া খেলুৱৈ হিচাপে পৰিগণিত হয়। ফাইনেলত ছুইডেনৰ বিৰুদ্ধে ২টা গ’ল দিয়ে।
৩) তেওঁ ১২৩৮টা প্ৰথম শ্ৰেণীৰ গ’ল দিছিল, য’ত তেওঁ ব্ৰাজিলৰ হৈ ৭৭টা গ’ল দিছিল।
৪) ১৯৯৯ চনত আন্তঃৰাষ্ট্ৰীয় অলিম্পিক কমিটীয়ে তেওঁক শতিকাৰ এথলীট হিচাপে নিৰ্বাচিত কৰে।
৫) ১৯৬৯ চনৰ ১৯ নৱেম্বৰত পেলেই নিজৰ কেৰিয়াৰৰ ১০০০তম গ’ল দিয়ে। ১৯ নৱেম্বৰত পেলে দিৱস উদযাপন কৰি ছান্টোছত তেওঁৰ ১০০০ সংখ্যক গ’লৰ বৰ্ষপূৰ্তি উদযাপন কৰা হয়।
৬) ১৯৬৭ চনত নাইজেৰিয়াত ৪৮ ঘণ্টীয়া যুদ্ধ বন্ধ কৰি দিয়া হৈছিল যাতে যুদ্ধবিধ্বস্ত দেশখনলৈ যোৱা সকলো সৈনিকে পেলেৰ মেচ চাব পাৰে।
৭) ফিফাৰ দ্বাৰা তেওঁক ‘দ্য গ্ৰেটেষ্ট’ নামেৰে বিভূষিত কৰা হৈছিল।
৮) তেওঁৰ প্ৰকৃত নাম এডছন আৰান্তেছ ডো নাছিমেণ্টোৱে।
বিশ্বফুটবলৰ সম্ৰাট পেলেৰ মৃত্যুত প্ৰাগ নিউজৰ ফালৰ পৰা যাচিলো গভীৰ শ্ৰদ্ধাঞ্জলি।
Continue Reading
