‘বন্দে ভাৰত শ্লিপাৰ এক্সপ্ৰেছ’ৰ প্ৰথম যাত্ৰাতেই বুকিং হ’ল সম্পূৰ্ণ আসন; ২৪ ঘণ্টাতেই শেষ সকলো টিকট

ডিজিটেল ডেস্ক: ভাৰতীয় ৰে’লৱেৰ ইতিহাসত নৱতম সংযোজন। আৰম্ভ হ’ল গুৱাহাটী-কলকাতাৰ মাজত বন্দে ভাৰত শ্লিপাৰ এক্সপ্ৰেছ। অসমৰ কামাখ্যা আৰু পশ্চিম বংগৰ হাওৰাৰ মাজত চলি থকা বন্দে ভাৰত শ্লিপাৰ ট্ৰেইন (ট্ৰেইন নম্বৰ ২৭৫৭৬)ৰ প্ৰথমটো বাণিজ্যিক যাত্ৰাই যাত্ৰীসকলৰ পৰা যথেষ্ট সঁহাৰি লাভ কৰিছে। বুকিং আৰম্ভ হোৱাৰ ২৪ ঘন্টা নৌহওঁতেই ৰে’লখনৰ সকলো শ্ৰেণীৰ টিকট বিক্ৰী হৈ যায়। 

ৰে’লৱে সংস্থাই মঙলবাৰে ঘোষণা কৰে যে, ২২ জানুৱাৰীত কামাখ্যাৰ পৰা যাত্ৰা কৰিবলগীয়া বন্দে ভাৰত শ্লিপাৰখনৰ সকলো আসন টিকট বুকিং খোলাৰ কিছু ঘণ্টাৰ ভিতৰতে জনসংযোগ আৰু অন্যান্য অনলাইন সেৱাৰ জৰিয়তে বুকিং কৰা হৈছে। এই দ্ৰুত বুকিঙে যাত্ৰীসকলৰ আগ্ৰহ স্পষ্টভাৱে প্ৰতিফলিত কৰিছে। মন কৰিবলগীয়া যে, ১৭ জানুৱাৰীত প্ৰধানমন্ত্ৰী নৰেন্দ্ৰ মোদীয়ে দেশৰ প্ৰথমখন অত্যাধুনিক সা-সুবিধাৰে সজ্জিত বন্দে ভাৰত শ্লিপাৰ ৰে’লৰ ফ্লেগ অফ কৰে।

ৰে’লৱেৰ তথ্য অনুসৰি,অহা ২২ জানুৱাৰীত কামাখ্যাৰ পৰা আৰু ২৩ জানুৱাৰীত হাওৰাৰ পৰা ৰে’লখনৰ প্ৰথম বাণিজ্যিক যাত্ৰা আৰম্ভ হ’ব । এজেন্সী ভাৰ্টাৰ প্ৰতিবেদন অনুসৰি, ১৯ জানুৱাৰীৰ পুৱা ৮ বজাৰ পৰা এই নতুন ৰে’ল সেৱাৰ টিকট বুকিং আৰম্ভ হৈছিল আৰু ২৪ ঘণ্টাৰো কম সময়ৰ ভিতৰতে সকলো শ্ৰেণীৰ টিকট সম্পূৰ্ণৰূপে বিক্ৰী হৈ যোৱা পৰিলক্ষিত হয়।

কামাখ্যা-হাওৰা বন্দে ভাৰত স্লাইভাৰ এক্সপ্ৰেছে উত্তৰ-পূব আৰু পূব ভাৰতৰ মাজত যাতায়তৰ যথেষ্ট উন্নতি সাধন কৰিব বুলি আশা কৰা হৈছে। এই ৰে’লখনে আধুনিক সুবিধা, উন্নত ভ্ৰমণৰ সময় আৰু বিশ্বমানৰ নৈশ ভ্ৰমণৰ অভিজ্ঞতা প্ৰদান কৰিব।

উল্লেখ্য যে, বন্দে ভাৰত শ্লিপাৰ এক্সপ্ৰেছ আৰু অমৰুট ভাৰত ২ ৰে’লৰ যাত্ৰীসকলে যদি নিৰ্ধাৰিত প্ৰস্থান সময়ৰ আঠ ঘণ্টাৰ অধিক পূৰ্বে নিশ্চিত টিকট বাতিল কৰে,তেতিয়া এটকাও ঘূৰাই নাপাব। যদিহে ৭২ ঘণ্টাৰ ভিতৰত নিশ্চিত টিকট বাতিল কৰা হয় তেন্তে এই ৰে’লসমূহৰ বাতিলৰ মাচুল ভাড়াৰ ২৫ শতাংশ হ’ব।