ডিজিটেল ডেস্কঃ এছিয়া কাপৰ প্রথমখন মেচত বলিং কৰিবলৈ আহি প্রথম স্পেলতে ভাৰতীয় বেটছমেনক আতংকিত কৰি তুলিছিল শ্বাহীন আফ্রিদিয়ে৷ ডাৱৰীয়া আকাশৰ তলত তেওঁ দুৰ্দান্ত চুইং কৰিছিল। ৰোহিত শৰ্মা আৰু বিৰাট কোহলীক তেওঁ সহজেই পেভিলিঅ’নমুখী কৰিছিল। দিনটোৰ শেষত তেওঁ ১০ অভাৰত ৩৫ ৰানেৰে ৪টা উইকেট দখল কৰে। ইনিংছ বিৰতিৰ সময়ত তেওঁ জনায় কোনটো ভাৰতীয় বেটছমেনৰ উইকেট তেওঁৰ প্ৰিয়।
মেচৰ মাজত কথা পাতিবলৈ আহিছিল শ্বাহীন। তেওঁৰ মতে, ৰোহিতৰ উইকেটটোৱেই আছিল আটাইতকৈ গুৰুত্বপূৰ্ণ। শ্বাহিনে কয়- ''নতুন বলটোৰে আমাৰ যি পৰিকল্পনা আছিল সেই পৰিকল্পনা আমি কাৰ্যকৰী কৰিবলৈ সক্ষম হৈছো। আৰম্ভণিতেই ভাৰতৰ উইকেট দখল কৰিব বিচাৰিছিলো। সেই কামত সফল হ’লো। ৰোহিত আৰু কোহলীৰ দুয়োটা উইকেট মোৰ ভাল লাগিল। বেটছমেন এজনৰ নাম সুকীয়াকৈ ক’বলৈ কোৱা হ’লে মই ক’ম ৰোহিত। বলটো বৰ ভাল আছিল।"
শ্বাহীনে স্বীকাৰ কৰে যে তেওঁলোকে পৰিৱেশৰ পৰা সহায় লাভ কৰিছে। তেওঁৰ ভাষাত, “বৰষুণৰ পিছত আকাশখন ডাৱৰীয়া হৈ পৰিছিল। বতাহজাকে বৈ আছিল। সেই সময়ত বল কৰি থাকোঁতে ভাল ছুইং হেল্প পাইছিলোঁ। বতৰে আমাক সহায় কৰিলে। ইতিমধ্যে ছুইং আৰু ছিম নতুন হিচাপে উপলব্ধ। সমস্যাটো হ’ল, বলটো পুৰণি হ’লে কোনো সহায় নাথাকে। গতিকে সোনকালে উইকেট লোৱাটো প্ৰয়োজনীয় আছিল।’
সতীৰ্থ নাছিমক প্ৰশংসা কৰি শ্বহীনে কয়- ''তেওঁৰ গতি দেখি মই আচৰিত হৈছিলোঁ। প্ৰায় ১৫০ কিলোমিটাৰ বেগেৰে বল কৰিছে তেওঁ।’’
Continue Reading
