ৰাহুল গান্ধীৰ নেতৃত্বত 'ভাৰত জোড়ো যাত্ৰা'ত খোজকাঢ়ি থাকোঁতে হৃদৰোগত আক্ৰান্ত হৈ মৃত্যুবৰণ কৰিলে জলন্ধৰৰ কংগ্ৰেছ সাংসদ সন্তোষ সিং চৌধুৰীয়ে । ঘটনাটো পঞ্জাৱত সংঘটিত হৈছে।জলন্ধৰ কংগ্ৰেছৰ সাংসদ সন্তোষ সিং চৌধুৰীয়ে 'ভাৰত জোড়ো যাত্ৰা'ত ৰাহুল গান্ধীৰ সৈতে খো

Listen to Article

2 min read

80%

ডিজিটেল ডেস্কঃ ৰাহুল গান্ধীৰ নেতৃত্বত 'ভাৰত জোড়ো যাত্ৰা'ত খোজকাঢ়ি থাকোঁতে হৃদৰোগত আক্ৰান্ত হৈ মৃত্যুবৰণ কৰিলে জলন্ধৰৰ কংগ্ৰেছ সাংসদ সন্তোষ সিং চৌধুৰীয়ে । ঘটনাটো পঞ্জাৱত সংঘটিত হৈছে।জলন্ধৰ কংগ্ৰেছৰ সাংসদ সন্তোষ সিং চৌধুৰীয়ে 'ভাৰত জোড়ো যাত্ৰা'ত ৰাহুল গান্ধীৰ সৈতে খোজকাঢ়ি থাকোঁতে হৃদৰোগত আক্ৰান্ত হয়৷

শনিবাৰে পুৱা কংগ্ৰেছ সাংসদজনে পঞ্জাৱৰ ফিল্লৌৰত ভাৰত জোড়ো যাত্ৰাত খোজকাঢ়ি থাকোঁতে হৃদৰোগত আক্ৰান্ত হয়। সাংসদজনক লগে লগে এম্বুলেন্সত ফাগৱাৰাৰ ভিৰ্ক চিকিৎসালয়লৈ লৈ যোৱা হয় যদিও তাত তেওঁক মৃত ঘোষণা কৰা হয়।

কংগ্ৰেছ সাংসদজনৰ মৃত্যুৰ খবৰ শুনি ৰাহুলে ভাৰত জোড়ো যাত্ৰা এৰি চিকিৎসালয়লৈ যায়। পঞ্জাৱৰ মুখ্যমন্ত্ৰী ভগৱন্ত মানে কংগ্ৰেছ সাংসদজনৰ মৃত্যুত শোক প্ৰকাশ কৰিছে। টইটত মানে লিখিছে "জলন্ধৰৰ কংগ্ৰেছ সাংসদজনৰ আকস্মিক মৃত্যুত দুখিত। মই তেওঁৰ আত্মাৰ শান্তিৰ বাবে প্ৰাৰ্থনা কৰোঁ। ''

ভাৰত জোড়ো যাত্ৰা যোৱা বছৰ ৭ ছেপ্টেম্বৰত কন্যাকুমাৰীৰ পৰা আৰম্ভ হৈছিল। কংগ্ৰেছৰ এই কাৰ্যসূচী এই বছৰৰ ৩০ জানুৱাৰীত জম্মু আৰু কাশ্মীৰৰ শ্ৰীনগৰত সমাপ্ত হ'ব। জীৱনৰ বিভিন্ন ক্ষেত্ৰৰ লোকে ভাৰত জোড়ো যাত্ৰাত ৰাহুলৰ সৈতে খোজ কাঢ়িছে। কংগ্ৰেছে দাবী কৰিছে যে এই কাৰ্যসূচীলৈ দেশবাসীয়ে সঁহাৰি জনাইছে।