ডিজিটেল ডেস্কঃ আজি উৰুকা৷ বজাৰত বয়-বস্তুৰ দামে মানুহক সৰ্বস্বান্ত কৰিছে৷ কিন্তু বিশ্বৰ আন বহু দেশতকৈ এতিয়াও ভাৰতত বস্তুৰ দাম ভালে নি কমি আছে৷ ভোগৰ দিনত সেয়াই এটা ইতিবাচক খবৰ৷ ফিলিপাইনছৰ দৰে দেশত পিঁয়াজৰ দাম কিলোগ্ৰামত ৯০০ টকা হৈছে, পাকিস্তানত ৪০০ টকা৷
কিন্তু ভাৰতত এতিয়াও পিঁয়াজৰ কিলোই প্ৰতি দাম ৩০-৩৫ টকা হৈয়েই আছে৷ খাদ্য খণ্ডত আটাইতকৈ বেছি প্ৰভাৱ পেলোৱা বৰ্ধিত মূল্যবৃদ্ধিয়ে বিশ্বব্যাপী প্ৰত্যাহ্বানৰ সৃষ্টি কৰিছে৷ কিন্তু বিগত বৰ্ষৰ ডিচেম্বৰত ভাৰতৰ খাদ্য মুদ্ৰাস্ফীতি ৪.১৯ শতাংশলৈ হ্ৰাস পাইছে ৷ এয়া বছৰটোৰ ভিতৰত সৰ্বনিম্ন আৰু বিশ্বৰ ভিতৰতো সৰ্বনিম্ন। এনে তথ্যই দেশৰ নীতি নিৰ্ধাৰকসকলক এক বৃহৎ সকাহ প্ৰদান কৰিব ৷ খাদ্য সুৰক্ষা আৰু উৎপাদনক লৈ বিশ্বব্যাপী উদ্বেগ বৃদ্ধি পাইছে।
খাদ্যৰ মুদ্ৰাস্ফীতি হ্ৰাস হোৱাৰ ফলত পাচলি, মাহজাতীয় শস্য আৰু খোৱা তেলৰ মূল্য হ্ৰাস পাইছে। ২০২২ চনৰ ডিচেম্বৰত চীনত খাদ্যৰ মূল্য বাৰ্ষিক ৪.৮ শতাংশ বৃদ্ধি পাইছিল৷ আনহাতে দক্ষিণ এছিয়াৰ আন দেশ যেনে বাংলাদেশৰ খাদ্য মুদ্ৰাস্ফীতি ৭.৯ শতাংশ, শ্ৰীলংকাত ৬৪.৪ শতাংশ আৰু নৱেম্বৰত নেপালৰ খাদ্যৰ মূল্য আছিল ৭.৩৮ শতাংশ। পাকিস্তানত বিগত বৰ্ষৰ ডিচেম্বৰত খাদ্যৰ মূল্য ৩৫.৫ শতাংশ বৃদ্ধি পাইছে। অন্যান্য এছিয়াৰ অৰ্থনীতিসমূহৰ ভিতৰত নৱেম্বৰত জাপানৰ খাদ্য মুদ্ৰাস্ফীতি আছিল ৬.৯ শতাংশ ৷
ডিচেম্বৰত আমেৰিকা যুক্তৰাষ্ট্ৰই খাদ্যৰ মুদ্ৰাস্ফীতি ১০.৪ শতাংশ পঞ্জীয়ন কৰিছিল। ডিচেম্বৰত ব্ৰিটেইনৰ বাৰ্ষিক খাদ্য মুদ্ৰাস্ফীতি ১৩.৩ শতাংশ বৃদ্ধি পাইছিল। নৱেম্বৰত ভাৰতৰ খাদ্যমুদ্ৰাস্ফীতি প্ৰতিত ৪.৬৭ আছিল শতাংশ। ডিচেম্বৰত পাচলিৰ মূল্যৰ বহু খিনি কমি যায়৷ ডিচেম্বৰত ভাৰতৰ সামগ্ৰিক চিপিআই মুদ্ৰাস্ফীতি ৫.৭২ শতাংশলৈ হ্ৰাস পাইছে৷
Continue Reading
