সন্মুখত টি-২০ বিশ্বকাপ৷ এতিয়া আইচিচি টি-২০ বিশ্বকাপ আৰম্ভ হ’বলৈ মাত্ৰ ৩ মাহ বাকী আছে যদিও ইতিমধ্যে ভাৰত আৰু পাকিস্তানৰ মাজত অনুষ্ঠিত হ’বলগীয়া খেলখনৰ বাবে উত্তেজনা আৰম্ভ হৈছে। আমেৰিকাত অনুষ্ঠিত হ’বলগীয়া ভাৰত আৰু পাকিস্তানৰ এই মেচখনক লৈ উত্তেজনা তুংগত উঠ

Listen to Article

2 min read

80%

ডিজিটেল ডেস্কঃ সন্মুখত টি-২০ বিশ্বকাপ৷ এতিয়া আইচিচি টি-২০ বিশ্বকাপ আৰম্ভ হ’বলৈ মাত্ৰ ৩ মাহ বাকী আছে যদিও ইতিমধ্যে ভাৰত আৰু পাকিস্তানৰ মাজত অনুষ্ঠিত হ’বলগীয়া খেলখনৰ বাবে উত্তেজনা আৰম্ভ হৈছে। আমেৰিকাত অনুষ্ঠিত হ’বলগীয়া ভাৰত আৰু পাকিস্তানৰ এই মেচখনক লৈ উত্তেজনা তুংগত উঠিছে। কিন্তু ক্ৰিকেটৰ এই দুই তীব্ৰ প্ৰতিদ্বন্দ্বী দলৰ মাজত অনুষ্ঠিত হ’বলগীয়া খেলখনৰ টিকটৰ মূল্য অনাকাংক্ষিতভাৱে বৃদ্ধি পাইছে। আমেৰিকান কাকতৰ বাতৰি অনুসৰি ৯ জুনত নিউয়ৰ্কত পাকিস্তানৰ বিৰুদ্ধে আৰু ১৫ জুনত ফ্ল’ৰিডাত কানাডাৰ বিৰুদ্ধে ভাৰতৰ দুখন খেলৰ টিকট ইতিমধ্যে বিক্ৰী হৈছে। আইচিচিৰ অফিচিয়েল ৱেবছাইটত টিকট বিক্ৰী হৈ যোৱা দেখা গৈছে।

এতিয়া ভাৰত আৰু পাকিস্তানৰ মাজত অনুষ্ঠিত হ’বলগীয়া বিশ্বকাপৰ খেলখনৰ টিকট StubHub আৰু SeatGeekৰ দৰে ৱেবছাইটত উপলব্ধ। অৱশ্যে এইবোৰ মূল মূল্যতকৈ দুগুণতকৈও অধিক মূল্যত বিক্ৰী কৰা হৈছে। কিছু টিকটৰ মূল্য ১.৮৬ কোটি টকা পৰ্যন্ত হৈছেগৈ।

আইচিচিৰ অফিচিয়েল ৱেবছাইটত টিকট বিক্ৰীৰ কথা ঘোষণা কৰা হৈছে। আই চি চিৰ ৱেবছাইটত সস্তা টিকটৰ মূল্য ৪৯৭ টকা, আনহাতে সৰ্বাধিক দামী টিকটৰ মূল্য কৰবিহীনভাৱে ৩৩,১৪৮ টকা। ৱেবছাইট খোলাৰ লগে লগে ভাৰতীয় দলৰ খেলখনৰ টিকট বিক্ৰী হৈ গ’ল। এনে পৰিস্থিতিত পূৰ্বে টিকট ক্ৰয় কৰা লোকসকলে বিভিন্ন ৱেবছাইটৰ জৰিয়তে পুনৰ বিক্ৰী কৰি আছে।

পুনৰ বিক্ৰীত ভিআইপি টিকটৰ মূল্য প্ৰায় ৩৩.১৫ লাখ টকা। যদি টিকট পোৱা প্লেটফৰ্মৰ অংশও যোগ কৰা হয়, তেন্তে ইয়াৰ মূল্য প্ৰায় ৪১.৪৪ লাখ টকা হয়। ভাৰত-পাকিস্তানৰ খেলখনৰ সস্তা টিকট StubHub ত ১.০৪ লাখ টকাত পোৱাৰ বিপৰীতে SeatGeek ৰ আটাইতকৈ দামী টিকট প্লেটফৰ্ম মাচুলসহ ১.৮৬ কোটি টকাত উপলব্ধ।

উল্লেখ্য যে, ২২ ফেব্ৰুৱাৰীৰ পৰা আৰম্ভ হৈছিল আইচিচি টি-২০ বিশ্বকাপ ২০২৪ৰ প্ৰথম পৰ্যায়ৰ টিকট বিক্ৰী। ইয়াৰ পূৰ্বে সাধাৰণ জনতাৰ বাবে লটাৰী কৰা হৈছিল, য’ত কিছুমান নিৰ্বাচিত মেচৰ টিকট প্ৰথমে অহা প্ৰথমে পোৱাৰ ভিত্তিত বিক্ৰী কৰা হৈছিল। মাত্ৰ ১০ দিনৰ ভিতৰতে এই টিকটসমূহ পুনৰ বিক্ৰীৰ ৱেবছাইটত পায়, য’ত ইয়াৰ চাহিদা, বিশেষকৈ ভাৰত-পাকিস্তানৰ মেচখনৰ চাহিদা বৃদ্ধি পায় আৰু দাম আকাশলংঘী হ’বলৈ আৰম্ভ কৰে। এতিয়া এই টিকটৰ দামসমূহ এনবিএ আৰু মেজৰ লীগ বেছবলৰ দৰে লীগৰ সমতুল্য হৈ পৰিছে।

প্ৰতিবেদন অনুসৰি ৱৰ্ল্ড ছিৰিজৰ টিকটৰ গড় মূল্য ৯১,১৭৫ টকা, এনবিএ ফাইনেলৰ ক’ৰ্টছাইড টিকটৰ মূল্য প্ৰায় ২০ লাখ আৰু ছুপাৰ বাউল 58ৰ টিকটৰ মূল্য ৭.৪৫ লাখ টকা।