ভিয়েটনামত ভয়ংকৰ নাও দুৰ্ঘটনা; ১৫ গৰাকী ভাৰতীয় পৰ্যটকৰ সলিল সমাধি

ডিজিটেল ডেস্ক: ভ্ৰমণৰ আনন্দ সলনি হ’ল চৰম বিষাদলৈ। ভিয়েটনামৰ ফু কুয়ক (Phu Quoc) দ্বীপৰ সমীপত শনিবাৰে ৩৬ গৰাকী ভাৰতীয় পৰ্যটক কঢ়িয়াই নিয়া এখন নাও সাগৰৰ মাজত নিয়ন্ত্ৰণ হেৰুৱাই বাগৰি পৰে। এই শোকাৱহ ঘটনাৰ পিছৰে পৰা স্থানীয় প্ৰশাসনে যুদ্ধকালীন তৎপৰতাৰে উদ্ধাৰ অভিযান চলাই আছে। ১৫ গৰাকী ভাৰতীয় পৰ্যটকৰ মাজ সাগৰত সলিল সমাধি ঘটিছে। 

বৃহৎ ঢৌৰ আঘাতত ঘটিল দুৰ্ঘটনা। তেলেংগানা-অন্ধ্ৰপ্ৰদেশৰ পৰ্যটক আছিল নাওখনত। ২১জন ভাৰতীয়ক জীৱন্তে উদ্ধাৰ।

ভিয়েটনামত থকা ভাৰতীয় দূতাবাসে ছ’চিয়েল মিডিয়া প্লেটফৰ্ম ‘এক্স’ (X)-ত ঘটনাটো নিশ্চিত কৰি জনাইছে যে উদ্ধাৰ আৰু তালাচী অভিযান বৰ্তমানো অব্যাহত আছে। ঘটনাৰ সঠিক তথ্য আৰু সামগ্ৰিক ক্ষতিৰ সবিশেষ সংগ্ৰহৰ বাবে প্ৰশাসনৰ সৈতে অহৰহ যোগাযোগ ৰখা হৈছে।

সহায়ৰ বাবে মুকলি কৰা হৈছে কণ্ট্ৰ’ল ৰুম (নিয়ন্ত্ৰণ কক্ষ)

দুৰ্ঘটনাত পতিত পৰ্যটকসকলৰ পৰিয়ালক জৰুৰী তথ্য আৰু প্ৰয়োজনীয় সকলো সহায় আগবঢ়াবলৈ ভিয়েটনামৰ দুখন গুৰুত্বপূৰ্ণ চহৰত হেল্পলাইন নম্বৰসহ কণ্ট্ৰ’ল ৰুম সক্ৰিয় কৰা হৈছে:

১/ হো চি মিন চিটি (কনছুলেট জেনেৰেল):

+84 36 281 7930

+84 91 552 37 14

+84 33 452 0414

২/ হানয় (ভাৰতীয় দূতাবাস):

+84 91 308 9165

ভুক্তভোগী পৰিয়ালসমূহক যিকোনো ধৰণৰ তথ্য বা জৰুৰী সাহায্যৰ বাবে উপৰোক্ত