ডিজিটেল ডেস্কঃ ভয়ংকৰ গাড়ী দুৰ্ঘটনাৰ পিছত নতুন জীৱন পালে ঋষভ পণ্টে। এতিয়াও ক্ৰিকেট খেলপথাৰলৈ ঘূৰি আহিব পৰা নাই উইকেটকীপাৰ বেটছমেনগৰাকী। ফিটনেছ প্ৰশিক্ষণৰ সমান্তৰালকৈ তেওঁ বাংগালুৰুৰ নেচনেল ক্ৰিকেট একাডেমীত ক্ৰিকেট অনুশীলন আৰম্ভ কৰে। শেহতীয়াকৈ এক সাক্ষাৎকাৰত পণ্টে দুৰ্ঘটনাৰ পিছত হোৱা অনুভৱৰ বিষয়ে কয়।
পৰিয়ালৰ সৈতে ইংৰাজী নৱবৰ্ষ কটাবলৈ দিল্লীৰ পৰা পথেৰে ৰুৰকীলৈ ঘৰলৈ উভতি অহাৰ সময়তে পণ্টে এই দুৰ্ঘটনাটোৰ সৈতে মুখামুখি হয়। তেওঁ নিজেই গাড়ী চলাই আছিল। সেই ঘটনাৰ ১৩ মাহৰ পাছত পন্থে কয়, "জীৱনত প্ৰথমবাৰৰ বাবে এনে ঘটনা সংঘটিত হ'ল। এনে লাগিল যেন এই পৃথিৱীত সময় শেষ হৈ গৈছে। মই ভাগ্যৱান। আঘাত আৰু বেয়া হ’ব পাৰিলেহেঁতেন। এনে দুৰ্ঘটনাৰ পিছতো মই জীয়াই আছো। মই কেনেবাকৈ বাচিলোঁ। তাৰ পিছত চিকিৎসকে ক’লে যে সম্পূৰ্ণ সুস্থ হ’বলৈ ১৬ৰ পৰা ১৮ মাহ সময় লাগিব। ভাগ্য ভাল হোৱাৰ বাবেই দ্বিতীয় জীৱন পালোঁ।”
২০২২ চনৰ ৩০ ডিচেম্বৰত সংঘটিত হোৱা দুৰ্ঘটনাটোৰ পিছৰে পৰা পান্থ খেলৰ পৰা আঁতৰি আছে। পৰৱৰ্তী আই পি এলত খেলপথাৰলৈ ঘূৰি আহিব বুলি আশা কৰা হৈছে। কিন্তু তেওঁক উইকেটকীপাৰ বেটছমেনৰ ভূমিকাত দেখা পোৱাত সন্দেহৰ সৃষ্টি হৈছে। ভাৰতৰ হৈ পণ্টে ৩৩খন টেষ্ট, ৩০খন এদিনীয়া আৰু ৬৬খন টি-২০ মেচ খেলিছে।
Continue Reading
