ডিজিটেল ডেস্ক: এক ভয়ংকৰ ঘটনা। সোমবাৰে দেশ কঁপাই যোৱা শ্ৰদ্ধা হত্যাকাণ্ডৰ অভিযুক্ত আফতাব পুনাৱালাৰ বাহনখনক তৰোৱাল লৈ আক্ৰমণ কৰে দুৰ্বৃত্বই। পলিগ্ৰাফ টেষ্টৰ অন্তত আফতাবক লৈ ওলাই আহিল এফ এছ এলৰ দলটো। তাৰ পাছতে আক্ৰমণকাৰীয়ে সেই স্থানত উপস্থিত হৈ গাড়ীখনক আক্ৰমণ কৰে।
আনকি অভিযুক্তক হত্যাৰো ভাবুকি দিয়ে আক্ৰমণকাৰীয়ে। আক্ৰমণ কৰা ব্যক্তিজনে কয়, "দুই মিনিটৰ বাবে আফতাবক উলিয়াই দিয়ক, মই মাৰি পেলাম।"কেৱল সেইয়াই নহয়, ক্ষুব্ধ আক্ৰমণকাৰীয়ে আৰক্ষীৰ ভ্যানখনতো শিলগুটিও নিক্ষেপ কৰে।
আফতাবক লৈ যোৱা ভ্যানখনত হঠাতে হোৱা এই আক্ৰমণৰ পাছতে সষ্টম হয় আৰক্ষী। ভ্যানৰ পৰা ওলাই আহি এই লোকসকলৰ ফালে এজন আৰক্ষীয়ে দেখুৱাই বন্দুক। আফতাবৰ গাড়ীত আক্ৰমণ কৰা একাংশ অভিযুক্তক আৰক্ষীয়ে ইতিমধ্যে আটক কৰিছে। আক্ৰমণকাৰীয়ে নিজকে হিন্দু সেনাৰ কৰ্মী বুলি দাবী কৰে। সমগ্ৰ ঘটনী সন্দৰ্ভত সম্প্ৰতি আৰক্ষীয়ে অব্যাহত ৰাখিছে তদন্ত প্ৰক্ৰিয়া।
আৰক্ষীয়ে জনোৱা মতে, আক্ৰমণকাৰীয়ে নাম লোৱা সংগঠনৰ তথ্যও সংগ্ৰহ কৰা হৈছে। আনহাতে আন এক সূত্ৰৰ পৰা জানিব পৰা মতে, আক্ৰমণৰ সময়ছোৱাত আফতাবৰ লগত এজন উপ পৰিদৰ্শককে ধৰি আছিল ৫ জন আৰক্ষী।
Continue Reading
