ডিজিটেল ডেস্কঃ হৃত্বিক ৰোশনৰ ‘ৱাৰ ২’ ৰ কাম বহুদিন ধৰি চলি আছে। অহা বছৰ অৰ্থাৎ ২০২৫ চনত মুক্তি পাব ছবিখন। হৃতিক ৰোশনে নিজৰ অংশৰ শ্বুটিং প্ৰায় সম্পূৰ্ণ কৰিছে যদিও আনফালে ক্লাইমেক্সৰ কাম এতিয়াও আৰম্ভ হোৱা নাই। আনহাতে আশ্চৰ্যজনক যে এইবাৰ ‘ৱাৰ ২’ত অভিনয় কৰিব জুনিয়ৰ এনটিআৰ ৷ ইতিমধ্য তেওঁ মুম্বাই আহি পাইছে । মুম্বাই বিমানবন্দৰৰ পৰা তেওঁৰ এটা ভিডিঅ’ ভাইৰেল হৈছে।
এক প্ৰতিবেদন অনুসৰি ক্লাইমেক্সৰ দৃশ্যগ্ৰহণ নৱেম্বৰ মাহতে হ’ব, যাৰ বাবে জুনিয়ৰ এনটিআৰে অতি সোনকালে ‘ৱাৰ ২’ আৰু হৃত্বিক ৰোশনসহ নিৰ্মাতাসকলৰ সৈতে যোগদান কৰিব। বৰ্তমান ক্লাইমেক্সৰ প্ৰি-প্ৰডাকচনৰ কাম চলি আছে।ৱাইআৰএফে এই ছবিখনৰ বাবে এটা বিশাল ক্লাইমেক্স ব্লক ডিজাইন কৰিছে, য’ত দেখা যাব দুজন ছুপাৰষ্টাৰ – হৃত্বিক ৰোশন আৰু জুনিয়ৰ এনটিআৰ। ক্লাইমেক্সৰ শ্বুটিং হ’ব কেৱল মুম্বাইত। কিন্তু স্থানটো প্ৰকাশ কৰা নাই নিৰ্মাতাসকলে।
উল্লেখ্য যে জুনিয়ৰ এন টি আৰে ক্লাইমেক্সৰ দৃশ্যগ্ৰহণৰ পূৰ্বে তীব্ৰ প্ৰশিক্ষণ ল’ব। এই ক্লাইমেক্স দৃশ্যটো ২০ দিনলৈকে কৰা হ’ব। শেহতীয়াকৈ জুনিয়ৰ এন টি আৰৰ ‘দেৱৰা’ মুক্তি পাইছিল, যিয়ে অজস্ৰ সঁহাৰি লাভ কৰিছিল। ‘ৱাৰ ২’ হৈছে ৱাইআৰএফৰ পৰৱৰ্তী প্ৰকল্প। ইয়াৰ পিছত আহিব আলিয়া ভাট আৰু শৰ্বাৰী ৱাঘৰ ‘আলফা’, য’ত হৃত্বিক ৰোশনৰ কেমিঅ’ বুলি কোৱা হৈছে। অৱশ্যে এই কথাৰ নিৰ্মাতাসকলে সদৰী কৰা নাই। কিন্তু আগন্তুক ছবিসমূহৰ বাবে ৱাৰ ২ প্ৰদৰ্শন কৰাটো গুৰুত্বপূৰ্ণ হ’ব। ইয়াৰ ভিত্তিত ৱাইআৰএফে তেওঁলোকৰ পৰৱৰ্তী পৰিকল্পনা কৰিব পাৰিব।
Continue Reading
