পান কাৰ্ডৰ সৈতে আধাৰ কাৰ্ড লিংক কৰাটো বাধ্যতামূলক

Listen to Article

5 min read

80%

In Short

এই কাম ৩১ ডিচেম্বৰ, ২০২৫ তাৰিখৰ ভিতৰত কৰিব লাগিব। যদি আপুনি এই কাম নকৰে, তেন্তে আপোনাৰ পান কাৰ্ড অচল হৈ পৰিব পাৰে।

ডিজিটেল ডেস্ক :পান কাৰ্ডৰ সৈতে আধাৰ কাৰ্ড সংযোগ কৰাটো এতিয়া বাধ্যতামূলক। আয়কৰ বিভাগৰ নিৰ্দেশনা অনুসৰি, সকলো পান কাৰ্ডধাৰীয়ে তেওঁলোকৰ আধাৰ কাৰ্ডৰ সৈতে নিজৰ পান কাৰ্ড সংযোগ কৰিব লাগিব। এই কাম ৩১ ডিচেম্বৰ, ২০২৫ তাৰিখৰ ভিতৰত কৰিব লাগিব। যদি আপুনি এই কাম নকৰে, তেন্তে আপোনাৰ পান কাৰ্ড অচল হৈ পৰিব পাৰে।

পান কাৰ্ডক আধাৰ কাৰ্ডৰ সৈতে সংযোগ কৰাৰ পদক্ষেপ:

১. আয়কৰ বিভাগৰ ই-ফাইলিং ৱেবছাইটলৈ যাওক।

২. "লিংক আধাৰ" বিকল্পত ক্লিক কৰক।

৩. আপোনাৰ পান নম্বৰ, আধাৰ নম্বৰ আৰু নাম আদি প্ৰয়োজনীয় তথ্য দিয়ক।

৪. আপোনাৰ আধাৰৰ সৈতে লিংক কৰিবলৈ বিচৰা জন্মৰ তাৰিখটো উল্লেখ কৰক।

৫. "লিংক আধাৰ"ত ক্লিক কৰক।

৬. আপোনাৰ মোবাইল নম্বৰত অহা OTP ব্যৱহাৰ কৰি আপোনাৰ সংযোগ প্ৰক্ৰিয়াটো সম্পূৰ্ণ কৰক।

মনত ৰাখিবলগীয়া কথা:

যদি আপোনাৰ আধাৰ আৰু পান কাৰ্ডত নাম বা জন্মৰ তাৰিখৰ মিল নাই, তেন্তে আপুনি প্ৰথমে তথ্যবোৰ শুদ্ধ কৰিব লাগিব।

এই কাম ৩১ ডিচেম্বৰ, ২০২৫-ৰ ভিতৰত কৰিব লাগিব। যদি আপুনি এই কাম কৰাত কোনো সমস্যাৰ সন্মুখীন হয়, তেন্তে আয়কৰ বিভাগৰ ৱেবছাইটত থকা FAQ চাওক বা তেওঁলোকৰ সৈতে যোগাযোগ কৰক।

PAN-Aadhaar Linking ৰ প্ৰয়োজনীয়তা:

বিত্তীয় লেনদেন:

বিত্তীয় লেনদেনৰ বাবে পেন কাৰ্ড এক গুৰুত্বপূৰ্ণ নথি। যদি পেন কাৰ্ড নিষ্ক্ৰিয় হৈ পৰে তেন্তে বেংক একাউণ্ট খুলিব নোৱাৰিব, শ্বেয়াৰ মাৰ্কেটত বিনিয়োগ কৰিব নোৱাৰিব, আন বিত্তীয় লেনদেন কৰিব নোৱাৰিব।

কৰ পৰিশোধ:

আয়কৰ ৰিটাৰ্ণ দাখিল আৰু কৰ পৰিশোধ কৰিবলৈ পান কাৰ্ড ব্যৱহাৰ কৰা হয়। যদি পেন কাৰ্ড নিষ্ক্ৰিয় হৈ পৰে তেন্তে আয়কৰ ৰিটাৰ্ণ দাখিল কৰিব নোৱাৰিব বা কৰ দিব নোৱাৰিব।

চৰকাৰী আঁচনিৰ সুবিধাসমূহঃ

কিছুমান চৰকাৰী আঁচনিৰ সুবিধা লাভ কৰিবলৈ পান কাৰ্ড বাধ্যতামূলক। যদি পান কাৰ্ড নিষ্ক্ৰিয় হৈ পৰে তেন্তে সেই আঁচনিসমূহৰ সুবিধা লাভ কৰিব নোৱাৰিব।

জালিয়াতি প্ৰতিৰোধ:

পান-আধাৰ লিংকিঙে আৰ্থিক জালিয়াতি ৰোধ কৰাত সহায় কৰে, কিয়নো ইয়াৰ দ্বাৰা নিশ্চিত হয় যে একেজন ব্যক্তিৰ নামত একাধিক পেন কাৰ্ড নাথাকে।

আধাৰৰ সৈতে পেনক সংযোগ কৰাৰ উপায়:

অনলাইন:

আয়কৰ বিভাগৰ ৱেবছাইট (eportal.incometax.gov.in) ত গৈ অনলাইনযোগে আধাৰৰ সৈতে পেন লিংক কৰিব পাৰিব।

এছএমএছ:

UIDPAN (স্পেচ) ১২ সংখ্যাৰ আধাৰ নম্বৰ (স্পেচ) ১০ অংকৰ পেন নম্বৰ 567678 বা 56161 নম্বৰত টাইপ কৰি এছএমএছৰ জৰিয়তেও পেনক আধাৰৰ সৈতে সংযোগ কৰিব পাৰিব।

PAN-Aadhaar linking status কেনেকৈ পৰীক্ষা কৰিব:

অনলাইন:

আয়কৰ বিভাগৰ ৱেবছাইটত গৈ অনলাইনত PAN-Aadhaar linking status চাব পাৰিব।