বিশ্ব ঐতিহ্য মানস ৰাষ্ট্ৰীয় উদ্যানকলৈ নিৰ্মাণ হ'ব ৱাইল্ডলাইফ ডকুমেণ্টৰী; পূৰ্ণগতিত চলিছে কাম-কাজ

ডিজিটেল ডেস্ক: বিশ্ব ঐতিহ্য মানস ৰাষ্ট্ৰীয় উদ্যানক লৈ নিৰ্মাণ হ'ব ৱাইল্ডলাইফ ডকুমেণ্টৰী। সম্প্ৰতি ৰাষ্ট্ৰীয় উদ্যানৰ জীৱ-জন্তুক লৈ চলিছে ডকুমেণ্টৰীৰ কাম।

ৰাষ্ট্ৰীয় উদ্যানখনৰ ঘন জংঘলৰ ভিতৰত বিগত এমাহ ধৰি ডকুমেণ্টৰীখনৰ কাম চলিছে। ৱাইল্ডলাইফ ফিল্মমেকাৰ আলী আচিফ শ্বেখৰ নেতৃত্বত মানসত চলিছে ডকুমেণ্টৰীৰ কাম।

দুই বছৰত সম্পূর্ণ হ'ব মানস ৰাষ্ট্ৰীয় উদ্যানৰ ডকুমেণ্টৰী। ৰাষ্ট্ৰীয় উদ্যানখনত উপলব্ধ ঢেঁকীয়াপতীয়া আৰু নাহৰফুটুকী বাঘৰ লগতে চলিছে ব্লেক পেন্থাৰৰ ভিডিঅ' সংগ্ৰহৰ কাম।

কলকতাৰ ৱাইল্ডলাইফ ফিল্মমেকাৰ আলী আচিফ শ্বেখে জানিব দিয়া অনুসৰি বিগত সময়ত দহটা বাঘৰ ভিডিঅ' সংগ্ৰহ কৰিছে তেওঁলোকে।

উল্লেখ্য যে মানসত আছে ১১৫টাৰো অধিক বাঘৰ লগতে বহু অধুনালুপ্ত জীৱ-জন্তু। বাঘৰ বিচৰণথলী হিচাপে বিবেচিত মানস ৰাষ্ট্ৰীয় উদ্যানক নিৰ্বাচিত কৰিছে আলী আচিফ শ্বেখে।

দুই বছৰৰ ভিতৰত সম্পূর্ণ হ'বলগীয়া মানসৰ ওপৰত কৰা ডকুমেণ্টৰীখনৰ বাবে হেঁপাহেৰে বাট চাইছে অসমবাসীয়ে।