ডিজিটেল ডেস্কঃ পাকিস্তানৰ প্ৰধানমন্ত্ৰী আনোৱাৰ উল হকে য়াচিন মালিকৰ পত্নী মাছাল মালিকক কেবিনেট মন্ত্ৰীৰ মৰ্যাদা প্ৰদান কৰিছে।তদুপৰি ড’নৰ ৰিপ’ৰ্ট অনুসৰি প্ৰধানমন্ত্ৰীয়ে ১৮ জনীয়া মন্ত্ৰীসভাত মাছাল মালিকক মানৱ অধিকাৰ বিষয়ত প্ৰধানমন্ত্ৰীৰ উপদেষ্টা হিচাপে অন্তৰ্ভুক্ত কৰিছে।
২০০৯ চনৰ ২২ ফেব্ৰুৱাৰীত ৰাৱালপিণ্ডিত য়াচিন মালিকৰ সৈতে মাছাল মালিকৰ বিবাহ হয়। ৱিকিপিডিয়াৰ মতে, ২০০৫ চনত য়াছিনৰ পাকিস্তান ভ্ৰমণৰ সময়ত দুয়োৰে লগ হৈছিল। মাছাল লণ্ডন স্কুল অৱ ইকনমিক্সৰ পৰা স্নাতক।
যদি আমি মাছালৰ ইতিহাস চাওঁ তেন্তে, পাকিস্তান অৰ্গেনাইজেশ্যন ফৰ পিছ এণ্ড কালচাৰৰ সভাপতি তথা কাশ্মীৰী বিচ্ছিন্নতাবাদী নেতা য়াছিন মালিকৰ পত্নী মুছাল হুছেইন মালিকে পাকিস্তানক জম্মু-কাশ্মীৰত অনুষ্ঠিত হোৱা জি-২০ সন্মিলনত অংশগ্ৰহণ নকৰিবলৈ সকলোকে পৰামৰ্শ দিছিল।কাৰাগাৰত বন্দী হুৰিয়তৰ জ্যেষ্ঠ নেতা য়াছিন মালিকৰ পত্নী মাছালে এক বিবৃতিত কয় যে বিশ্ব শক্তি আৰু ৰাষ্ট্ৰসংঘৰ সংস্থাসমূহে নিৰীহ কাশ্মীৰী জনসাধাৰণৰ সৈতে সংহতি প্ৰকাশ কৰাৰ সময় আহি পৰিছে।মাছাল মালিকে প্ৰধানমন্ত্ৰী নৰেন্দ্ৰ মোদীক নিষ্ঠুৰ বুলি সম্বোধন কৰে। তেওঁ কয় যে কাশ্মীৰীসকলক তেওঁলোকৰ অধিকাৰ দিবলৈ প্ৰধানমন্ত্ৰী মোদীৰ ওপৰত হেঁচা প্ৰয়োগ কৰিব লাগে।
Continue Reading
