ডিজিটেল ডেস্কঃ “যিসকলে মদ্যপান কৰে, তেওঁলোক মৰিবই।” এই মন্তব্য কৰিছে বিহাৰৰ মুখ্যমন্ত্ৰী নীতিশ কুমাৰে। শেহতীয়াকৈ বিহাৰত দেখা দিয়া সুৰা-ট্ৰেজেদীক লৈ এই মন্তব্য কৰিছে মুখ্যমন্ত্ৰীজনে। কয় যে মদ্যপান হানিকাৰক আৰু ইয়াৰ পৰা আঁতৰি থকা উচিত।
উল্লেখযোগ্য যে বিহাৰৰ ছাৰাণ জিলাত শেহতীয়াকৈ বিষাক্ত সুৰাই ব্যাপক নৰসংহাৰ চলাইছে। এতিয়ালৈকে ৩০ জনকৈ লোকে বিষাদ মদ পান কৰি প্ৰাণ হেৰুৱাইছে। ২০১৬ চনৰ পৰা সুৰানিষিদ্ধ ৰাজ্যখনত এইদৰে সুৰা-ট্ৰেজেদী ঘটাক লৈ ব্যাপক প্ৰতিক্ৰিয়াৰ সৃষ্টি হৈছে।
ইয়াৰ মাজতে সংবাদ মাধ্যমৰ আগত নীতিশ কুমাৰে কয় যে সুৰাপান কৰিলে মৃ্তু অনিবাৰ্য। মুখ্যমন্ত্ৰীগৰাকীয়ে কয় যে যিসকল লোকে সুৰাসমূহ বিক্ৰী কৰিছিল, তেওঁলোকৰ বিৰুদ্ধে তদন্ত অব্যাহত আছে।
“মই কৰ্মচাৰীসকলক দৰিদ্ৰ লোকসকলৰ বিৰুদ্ধে ব্যৱস্থা ল’বলৈ মানা কৰিছো। ইতিমধ্যে সুৰা বিক্ৰীৰ সলনি আন উপাৰ্জনৰ বাবে ১ লাখ টকাৰ সাহাৰ্য তেওঁলোকক প্ৰদান কৰিছো। যদি প্ৰয়োজন হয় তেন্তে মই এই সাহাৰ্যৰ পৰিমাণ বঢ়াই দিম।”- মুখ্যমন্ত্ৰীজনে কয়।
আনহাতে, বিহাৰৰ এই সুৰা-ট্ৰেজেডীক লৈ বৃহস্পতিবাৰে ৰাজ্যসভা উত্তাল হৈ আছে। বিৰোধী পক্ষৰ তীব্ৰ বাক্যবানৰ ফলত ১৫ মিনিটৰ বাবে সদন স্থগিত ৰখা হয়।
Continue Reading
