মহানগৰীত জমেটোৰ উত্তৰ-পূৱৰ মেনেজাৰ মনীষ লহকৰৰ আত্মহত্যা

ডিজিটেল ডেস্ক : জমেটোৰ উত্তৰ-পূৱৰ মেনেজাৰ মনীষ লহকৰৰ আত্মহত্যা। গুৱাহাটীৰ  কাহিলিপাৰাৰ প্ৰ'টেক এপাৰ্টমেণ্টৰ ফ্লেটত উদ্ধাৰ মনীষৰ মৃতদেহ। 

পুৱা এগৰাকী যুৱতীয়ে পৰিয়ালক জনায় মনীষৰ মৃত্যুৰ খবৰ।  যুৱতীগৰাকীয়ে ফ্লেটৰ দুৱাৰ খুলি দেখিছিল মনীষক মৃত অৱস্থাত।

যুৱতীগৰাকীৰ হাততো আছিল মনীষৰ ফ্লেটৰ এপাত চাবি। ৫ বছৰ পূৰ্বে বিবাহপাশত আবদ্ধ হোৱা মনীষৰ সৈতে সম্পৰ্ক নাছিল পত্নীৰ।

পুৱা সংঘটিত হোৱা ঘটনাৰ পিছতেই হাহাকাৰ লাগে মনীষৰ পৰিয়ালত।  ইফালে ভগদত্তপুৰ আৰক্ষীয়ে ঘটনাস্থলীত উদ্ধাৰ কৰে মনীষৰ মৃতদেহ। 

ঘটনা সন্দৰ্ভত ভগদত্তপুৰ আৰক্ষীয়ে আৰম্ভ কৰিছে তদন্ত।  পৰিয়ালক খবৰ দিয়া যুৱতীগৰাকীক সোধা-পোচা কৰিছে আৰক্ষীয়ে

কি কাৰণত মনীষে চৰম পন্থা বাছি ল'লে সেয়া এতিয়াও ৰহস্যৰ আৱৰ্তত।