ডিজিটেল ডেস্কঃ ১ কোটি টকাত নিলাম হ’ল বিশ্বৰ আটাইতকৈ পুৰণি জিনছ পেণ্টটো। আমেৰিকা যুক্তৰাষ্ট্ৰৰ উত্তৰ কেৰোলিনাৰ উপকূলত ১৮৫৭ চনৰ এখন জাহাজৰ ধ্বংসাৱশেষৰ মাজত লাভ কৰা এটা ট্ৰাংকৰ ভিতৰত উদ্ধাৰ কৰা হৈছিল জিনছটো। ইয়াতকৈ পুৰণি কোনোধৰণৰ জিনছ আগতে উদ্ধাৰ কৰা হোৱা নাছিল।
জিনছটোত পাঁচটা বোটাম আছে। জাহাজত কাম কৰা কোনো শ্ৰমিকে পৰিধান কৰা জিনছ বুলিয়ে অনুমান কৰিছে বিশেষজ্ঞসকলে। উদ্ধাৰ কৰাৰ পাছতে জিনছটো নিলামত উঠে আৰু ১ কোটি টকাত বিক্ৰী হয়।
বিশেষজ্ঞসকলে জনোৱামতে, বগা ৰঙৰ এই জিনছটো আমেৰিকাৰ বিখ্যাত ব্যৱসায়ী লেভি ষ্ট্ৰ’ছে তৈয়াৰ কৰিছিল। লেভি ষ্ট্ৰ’ছ আছিল বিশ্বৰ প্ৰাচীনতম আৰু সুপৰচিতি জিনছ নিৰ্মাতা। কিন্তু কিছুৰ মতে, উদ্ধাৰ হোৱা জিনছটো লেভি ষ্ট্ৰ’চতকৈও পুৰণি। কাৰণ ১৮৭৩ চনৰ পৰাহে লেভি ষ্ট্ৰ’ছে প্ৰথম জিনছ তৈয়াৰ কৰিবলৈ লয়। সেই সময়ৰ খনি শ্ৰমিকসকলে ব্যৱহাৰ কৰিবলৈ জিনছ পেণ্টসমূহ তৈয়াৰ কৰা হৈছিল।
Continue Reading
